-Ես տնտեսագետ չեմ, չեմ սիրում գնահատականներ տալ գինեկոլոգիայի, տիեզերագնացության մասին՝ չլինելով դրա մասնագետը,-ասել է «Գոյ» թատրոնի գեղարվեստական ղեկավար Արմեն Մազմանյանը՝ պատասխանելով լրագրողների հարցին, թե ինչ գնահատական է տալիս իրողությանը, որ Հայաստանում արձանագրվել է 16,3 % տնտեսության անկում։ Այդուհանդերձ, «մասնագետ» չլինելով հանդերձ՝ Մազմանյանը տվել է  գնահատականներ.

-Որպես քաղաքացի, հասկանում եմ, մի քիչ էլ զարմացած եմ, որ լինելով բլոկադայի մեջ, միայն օդային կոմունիկացիա ունենալով՝ կարող էր լինել և ավելի վատ։ Կներեք ինձ։ Աֆրիկայում ռեցեսիան 3 միլիոնով սով է առաջացրել։ Մի ամբողջ ազգ միանգամից դարձել է աղքատ բոմժ։ Չկարծեք, թե մենք իրենցից առավել ենք, ունենք տնտեսություն, «զավոդ» և հումք։ Այնուհանդերձ, որպես արդյունք, բանկային տնտեսական ռազմավարությունը, որ այսպես ենք պրծնում աշխարհի ճգնաժամից, նորմալ է։ Վստահաբար ասում եմ, որ նորմալ է։

«7օր»-ի թղթակիցը բանախոսին հիշեցրել է, որ ընդամենը ամիսներ առաջ ՀՀ վարչապետը բարձր ամբիոններից հայտարարում էր, թե ճգնաժամը մեզ չի սպառնում, և այն «մեր կողքով կանցնի»։

-Վատ PR միտք չի վարչապետի կողմից ասած, բայց չի ստացվել, ի՞նչ անենք։ Բռնենք վարչապետի ոտքից, կախե՞նք։ Կարող էր 100 տոկոս անկում լինել, 16,5  է եղել։

7or.am