Գլխավոր դատախազության հերթական պարզաբանումը Վարդան Պետրոսյանի խափանման միջոցի վերաբերյալ

● Լրահոս

13.11.2013 ● 15:57

Գլխավոր դատախազության հերթական պարզաբանումը Վարդան Պետրոսյանի խափանման միջոցի վերաբերյալ

Վարդան Պետրոսյանի խափանման միջոցի վերաբերյալ ՀՀ գլխավոր դատախազության պարզաբանումը որոշ զանգվածային լրատվամիջոցների կողմից ընկալվել և ներկայացվել է, որպես Հանրապետության Նախագահի կողմից տրված հանձնարարական՝ կոնկրետ Վարդան Պետրոսյանի խափանման միջոցը փոխելու մասին: Թյուրըմբռնումից խուսափելու համար ներկայացնում ենք մեջբերում Հանրապետության Նախագահի մամուլի խոսնակի և ՀՀ գլխավոր դատախազության հաղորդագրություններից.

Նախագահի մամուլի խոսնակի պատասխանը PANORAMA.am-ի հարցին.

«ՀՀ Նախագահը իրավասու չէ միջամտել որևէ կոնկրետ դեպքով իրականացվող իրավական գործընթացներին, այդ թվում` Վարդան Պետրոսյանի նկատմամբ կալանքի ընտրության կամ դրա դատական ստուգման ընթացակարգերին: Միևնույն ժամանակ նկատի ունենալով ընդհանրապես կալանքների կիրառման հետ կապված առկա մտահոգությունները, Հայաստանի Հանրապետության Նախագահը այս խափանման միջոցի կիրառման օրենսդրական և գործնական հիմնահարցերին ևս մեկ անգամ անդրադառնալու անհրաժեշտություն է տեսնում»։

http://www.panorama.am/am/politics/2013/11/11/saghatelyan-vardan-petrosyan/

ՀՀ գլխավոր դատախազության հաղորդագրություն.

«Հանրապետության Նախագահի կողմից տրվել է հանձնարարական՝ վերանայելու կալանավորումը, որպես խափանման միջոց ընտրելու օրենսդրական հիմքերն ու դիտարկելու գործնական այլընտրանքային միջոցների ներդրման հնարավորությունը` իրավակիրառ պրակտիկայի հստակեցման և այդ տեսակի խափանման միջոցների ընտրության հիմքերի որոշակիության և կանխատեսելիության հիմնավորմամբ, որի ուղղությամբ դատախազության կողմից արդեն իսկ իրականացվող միջոցառումների վերաբերյալ հանրությունը ժամանակին կիրազեկվի»: http://www.prosecutor.am/am/50/item/8069/

ՀՀ գլխավոր դատախազությունը ևս մեկ անգամ պարզաբանում է, որ Հանրապետության Նախագահի հանձնարարությամբ իրականացվում են աշխատանքներ ընդհանրապես կալանքը՝ որպես խափանման միջոց կիրառելու հետ կապված առկա մտահոգությունների, խափանման միջոցի կիրառման օրենսդրական և գործնական հիմնահարցերի առնչությամբ: Ինչ վերաբերում է կոնկրետ մեղադրյալ Վարդան Պետրոսյանին ապա՝ անհրաժեշտ ենք համարում ևս մեկ անգամ նշել, որ եթե նախաքննության ցանկացած փուլում ի հայտ գան բավարար հիմքեր, որոնք կհիմնավորեն նրան կալանքի տակ պահելու անհրաժեշտության բացակայությունը, դատավարական ղեկավարում իրականացնող դատախազի կողմից կքննարկվի խափանման միջոցը վերացնելու կամ փոփոխելու հարցը:

ՀՀ գլխավոր դատախազություն

● Այս խորագրի վերջին նյութերը

Շտապօգնության ավտոեմեքենայի մասնակցությամբ ավտովթար՝ Երևանում

15.11.2024 ● 13:11

Վթարի հետևանքով, ըստ նախնական տեղեկությունների, բարեբախտաբար տուժածներ չկան:

911, 102, 103 հեռախոսահամարները չեն գործի

15.11.2024 ● 13:08

Քաղաքացին կանչ կիրականացնի 112 հեռախոսահամարով։

Միայն ձեր օրոք են թուրքերը բույն դրել Հայաստանում․ Արթուր Խաչատրյանը՝ ՔՊ-ին (տեսանյութ)

15.11.2024 ● 13:06

Այնքան ինքնիշխան եք, որ չեք կարողանում սեփական տարածքում գործարան կառուցել։

ՀՀ երկրորդ նախագահ Ռոբերտ Քոչարյանը չի ներկայացել դատական նիստին

15.11.2024 ● 12:31

Չունեն մեղադրյալի կարգավիճակ:

Մելիքբեկյանի մնալու ամեն օրը մեր ֆուտբոլը թաղում է ավելի մեծ խնդիրների մեջ. «Շիրակ» ՖԱ

15.11.2024 ● 12:19

Հայաստանի ֆուտբոլի ֆեդերացիայի նախագահի հեռանալու պահանջով ակցիա անցկացրին նաև հավաքականի երկրպագուները:

Հակասահմանադրական ճանաչված գործով վերաբացված դատական նիստը (տեսանյութ)

15.11.2024 ● 11:58

Վճռաբեկ դատարանը սեպտեմբերի 12-ի որոշմամբ բեկանել է Ռոբերտ Քոչարյանի, Յուրի Խաչատուրովի և մյուսների գործը կարճելու որոշումը և թույլատրել վերաորակավորել մեղադրանքը:

Հայաստանը կարող է այնպես խաղալ, որ ընդհանրապես մնա առանց էլեկտրաէներգիայի․ Անդրեյ Լիստովսկի (տեսանյութ)

Իրենց թայֆի, ոհմակի մասին են մենակ մտածում. ուղեվարձի եռակի բարձրացումը հունից հանում է երևանցիներին (տեսանյութ)

Հայկական ֆուտբոլը նույն խայտառակ վիճակում է հայտնվել, ինչ Հայաստան պետությունը․ Անդրանիկ Թևանյան

● Լրահոս