ՌԴ փոխվարչապետ Դմիտրի Ռոգոզինը մեկնաբանել է իր ղեկավարած Սահմանների պետական հանձնաժողովի նախաձեռնությունը, որտեղ առկա են որոշ ուղղումներ՝ կապված ներգաղթյալների հետ։ «Ռիա նովոստի»-ի փոխանցմամբ՝ այսուհետև ՌԴ բոլոր ներգաղթյալներին կպարտավորեցվի բժշկական ապահովագրություն ստանալ, և Ռուսաստանում ժամանակավորապես գտնվելու կանոնները կփոխվեն. ՌԴ տարածքում առանց անհրաժեշտ փաստաթղթերի կթույլատրվի գտնվել միայն 90 օր: Ըստ Ռոգոզինի՝ ապօրինի գաղթածների հետ կապված խնդիրները պետք է լուծել հենց սահմանին: