Մեծ կոմպոզիտոր Արամ Խաչատրյանի 110-ամյակի առթիվ Հայաստանի պետական երիտասարդական նվագախմբի նախաձեռնությամբ անցկացվում է Արամ Խաչատրյանի անվան միջազգային փառատոնը։ Փառատոնի շրջանակներում նոյեմբերի 24-ին՝ ժամը 19.00–ին, Մոսկվայի պետական կոնսերվատորիայի Մեծ դահլիճում տեղի կունենա Հայաստանի պետական երիտասարդական նվագախմբի (գեղարվեստական ղեկավար և գլխավոր դիրիժոր՝ Սերգեյ Սմբատյան) համերգը։ Մենակատար՝ 2012թ. Եղիսաբեթ թագուհու անվան ջութակահարների միջազգային մրցույթի հաղթող, ռուս վիրտուոզ ջութակահար Անդրեյ Բարանով։ Երիտասարդական նվագախմբի մոսկովյան համերգով կեզրափակվի Արամ Խաչատրյանի անվան միջազգային փառատոնն արտասահմանում, ինչպես նաև այն կդառնա Մոսկվայի կոնսերվատորիայի 150-ամյակին նվիրված ԱՊՀ անդամ երկրների նվագախմբերի շքերթի վերջին ակորդը։

Երեկոյի ընթացքում կհնչեն Արամ Խաչատրյանի ստեղծագործությունները՝ Ջութակի կոնցերտը, Սպարտակի և Ֆրիգայի ադաջոն «Սպարտակ» բալետից, Խաչատրյանի «Սիմֆոնիա թիվ 2»-ը։