Նոյեմբերի 22-ին՝ ժամը 00.42-ին, տեղեկություն է ստացվել, որ Լոռու մարզի Ստեփանավան քաղաքի Բաղրամյան-Արևելյան փողոցների խաչմերուկում տեղի է ունեցել ՃՏՊ. առկա է վառելիքի արտահոսք:

Դեպքի վայր է մեկնել մեկ մարտական հաշվարկ:

Պարզվել է, որ դեռևս չբացահայտված հանգամանքներում բախվել են «Մերսեդես» մակնիշի 34 OA 931 և «ԲՄՎ» մակնիշի 25 ՍՍ 286 պետհամարանիշերով ավտոմեքենաները, ինչի հետևանքով «ԲՄՎ» մակնիշի ավտոմեքենայի վարորդը` 1987 թ. ծնված Ա. Հ.–ն, տեղում մահացել է:

Հրշեջ-փրկարարները «ԲՄՎ» ավտոմեքենայից դուրս են բերել Ա. Հ. դին և հանձնել շտապ օգնության ծառայության աշխատակիցներին:

Մինչ հրշեջ-փրկարարների կանչի վայր հասնելը՝ տուժածները` «Մերսեդես» ավտոմեքենայի վարորդը՝ 1989 թ. ծնված Ա. Ղ.–ն, և ուղևորը՝ 1989 թ. ծնված Հ. Ս.–ն, տարբեր աստիճանի մարմնական վնասվածքներով հոսպիտալացվել են Ստեփանավան քաղաքի բժշկական կենտրոն:

Բժիշկները տուժածների վիճակը գնահատել են կայուն ծանր: