Պարզաբանում ՄԻՊ խորհրդականի արձագանքի վերաբերյալ

● Լրահոս

22.11.2013 ● 19:08

Պարզաբանում ՄԻՊ խորհրդականի արձագանքի վերաբերյալ

Մարդու իրավունքների պաշտպանի խորհրդականն արձագանքել է ՊԵԿ-ի` նոյեմբերի 21-ի պարզաբանմանը, ինչի առնչությամբ Կոմիտեն անհրաժեշտ է համարում կրկին նշել, որ «Շրջանառության հարկի մասին» և «Ավելացված արժեքի հարկի մասին» ՀՀ օրենքների դրույթների մեկնաբանությունները չեն համապատասխանում իրավական ակտերով հստակ սահմանված դրույթների հետ: Այսպես, այն հանգամանքը, որ «Ավելացված արժեքի հարկի մասին» ՀՀ օրենքի 3-րդ հոդվածով սահմանված ԱԱՀ վճարող համարվելու հայտարարության և ՀՀ կառավարության 04.08.2011թ. N1104-Ն որոշ մամբ սահմանված ԱԱՀ վճարող հաշվառվելու հայտարարության տարբերություններն էական են, Պետական եկամուտների կոմիտեն բոլոր իրավական հիմնավորումները ներկայացրել է իր պարզաբանումներով: Հարցը վերաբերում է ոչ թե փաստաթղթի ոչ ճիշտ տարբերակի ներկայացմանը, ինչպես նշում է Մարդու իրավունքների պաշտպանի խորհրդականը, այլ նրան, որ հարկային մարմին չի ներկայացվել «Ավելացված արժեքի հարկի մասին» ՀՀ օրենքի 3-րդ հոդվածով սահմանված` ԱԱՀ վճարող համարվելու վերաբերյալ հայտարարություն: Մեկ անգամ ևս պարզաբանում ենք, որ օրենքն այս դեպքում միանշանակ սահմանել է ԱԱՀ վճարող համարվելու միակ ձևը` ԱԱՀ վճարող համարվելու վերաբերյալ հայտարարությունը սահմանված ձևով ու ժամկետներում հարկային մարմին ներկայացնելը: Ինչ վերաբերում է ՀՀ կառավարության 04.08.2011թ. N1104-Ն որոշմամբ սահմանված ԱԱՀ վճարող հաշվառվելու հայտարարության ներկայացմանը, այն սահմանված է միայն արդեն իսկ ԱԱՀ վճարող համարվողների համար: Միաժամանակ հարկ է նկատի ունենալ, որ, նույն որոշման համաձայն, ԱԱՀ վճարող համարվելու վերաբերյալ հայտարարություն ներկայացրած շրջանառության հարկ վճարողներն արդեն չեն ներկայացնում ԱԱՀ

վճարող հաշվառվելու հայտարարություն: «Շրջանառության հարկի մասին» ՀՀ օրենքի 4-րդ հոդվածի 1-ին մասով հստակ սահմանված է «անձինք» հասկացությունը, որը ներառում է բացառապես ՀՀ ռեզիդենտ համարվող առևտրային կազմակերպություններին, անհատ ձեռնարկատերերին և նոտարներին:

Միանշանակ է, որ նշված հասկացությունը չի ներառում անհատ ձեռնարկատեր չհանդիսացող ֆիզիկական անձանց: ՀՀ մարդու իրավունքների պաշտպանի խորհրդականի` «Շրջանառության հարկի մասին» ՀՀ օրենքի 4-րդ հոդվածի «անձ» հասկացության յուրովի մեկնաբանման վերաբերյալ պարզաբանում ենք. ա.«Շրջանառության հարկի մասին» ՀՀ օրենքի 4-րդ հոդվածի 3-րդ մասի 1-ին կետի համաձայն, շրջանառության հարկ վճարողներ չեն կարող համարվել «Հաստատագրված վճարների մասին» և (կամ) «Արտոնագրային վճարների մասին» ՀՀ օրենքների համաձայն հաստատագրված վճար և (կամ) արտոնագրային վճար վճարող անձինք` գործունեության այդ տեսակների մասով: «Իրավական ակտերի մասին» ՀՀ օրենքի 36-րդ հոդվածի 4-րդ մասի համաձայն, նորմատիվ իրավական ակտում միևնույն հասկացությունը սահմանելիս կամ միևնույն միտքն արտահայտելիս պետք է կիրառվեն միևնույն բառերը, տերմինները կամ բառակապակցությունները` որոշակի հերթականությամբ: Իրավական ակտում տարբեր հասկացությունները չեն կարող օգտագործվել միևնույն տերմինով: Տվյալ դեպքում օրենքի 4-րդ հոդվածի 3-րդ մասով հստակ սահմանված է, որ իրավական ակտի դրույթը վերաբերում է ոչ թե անձանց ընդհանրապես, այլ հաստատագրված վճար և (կամ) արտոնագրային վճար վճարող անձանց, քանի որ կիրառվում է ոչ թե «անձինք», այլ «հաստատագրված վճար և (կամ) արտոնագրային վճար վճարող անձինք» հասկացությունը:

բ.ՀՀ մարդու իրավունքների պաշտպանի խորհրդականի բերած երկրորդ փաստարկի մասին. օրենքի 4-րդ հոդվածի 3-րդ մասի 5-րդ կետում կիրառվում է ոչ թե «անձանցից», այլ «երրորդ անձանցից» հասկացությունը և առավել, քան հստակ է, որ իրավական ակտի

դրույթը վերաբերում է ոչ թե անձանց ընդհանրապես, այլ երրորդ անձանց: Միաժամանակ տեղեկացնում ենք, որ «Հարկերի մասին» ՀՀ օրենքի 20-րդ հոդվածով հստակ սահմանված է «երրորդ անձ» հասկացությունը. երրորդ անձ է համարվում պետական կառավարման, տեղական ինքնակառավարման մարմինը, առևտրային, ոչ առևտրային կազմակերպությունը, անհատ ձեռնարկատերը, նոտարը, որը հարկային մարմին է ներկայացնում այլ հարկ վճարողի կամ այլ ֆիզիկական անձի գործարքի կամ գործառնության կամ գործունեության վերաբերյալ տեղեկություններ:

Ավելորդ չենք համարում նշել, որ, ի տարբերություն նախորդ հրապարակման, այս անգամ խոսք է գնում ՊԵԿ-ի կողմից ոչ թե օրենքի «սխալ» մեկնաբանության, այլ արդեն «տառացի» մեկնաբանության մասին, ուստի հիշեցնում ենք «Իրավական ակտերի մասին» ՀՀ օրենքի 86-րդ հոդվածի 1-ին մասի պահանջները՝ իրավական ակտը մեկնաբանվում է դրանում պարունակվող բառերի և արտահայտությունների տառացի նշանակությամբ` հաշվի առնելով օրենքի պահանջները և իրավական ակտի մեկնաբանությամբ չպետք է փոփոխվի դրա իմաստը: ՊԵԿ-ը, հանդիսանալով հարկային օրենսդրության դրույթները կիրառող մարմին, այդ դրույթները կիրառում է բացառապես օրենքի տառին համապատասխան:

Ինչ վերաբերում է խոշոր բիզնեսի արհեստական մասնատմանը, հայտնում ենք, որ «Շրջանառության հարկի մասին» ՀՀ օրենքի 4-րդ հոդվածի 3-րդ մասի 5-րդ կետով սահմանված է երրորդ անձանցից (այդ թվում` պետական մարմիններից) ստացված կամ օպերատիվ-հետախուզական գործողությունների արդյունքում ձեռք բերված տեղեկությունների հիման վրա, ընդհանուր տնտեսական շահերից ելնելով, համաձայնեցված գործելու հիմքով վերադաս հարկային մարմնի ղեկավարի որոշմամբ փոխկապակցված ճանաչելու դրույթը:

ՊԵԿ տեղեկատվության և հասարակայնության հետ կապերի բաժին

● Այս խորագրի վերջին նյութերը

Ինչ կրթություն է ստացել և ինչ խորհուրդներ է տալիս վերադասին Ալեն Սիմոնյանի օգնական-խորհրդական Համլետ Գևորգյանը. «Ժողովուրդ»

26.12.2024 ● 09:29

Փաստացի ծառայություններ է մատուցում նրա տիկնոջը։

Պետբյուջեից 9 մլն դրամ՝ Ալեն Սիմոնյանի և մի քանի ՔՊ-ականների երեխաների համար. «Ժողովուրդ»

26.12.2024 ● 09:21

Ամանորյա հրաշքը նախատեսված էր որոշ ՔՊ-ականների երեխաների համար։

Ինչ կապ ունի Աննա Հակոբյանի ազգականը Սարիկ Մինասյանի ու Կարեն Սարուխանյանի միջև ծեծկռտուքի հետ. «Ժողովուրդ»

26.12.2024 ● 09:19

Սարիկ Մինասյանը հասցրել է մի բռունցքով հարվածել Կարեն Սարուխանյանի դեմքին:

Փաշինյանը վարակվել է թուրքական քովիդով. Անդրանիկ Թևանյան (տեսանյութ)

26.12.2024 ● 09:01

2025 թվականը նախընտրական տարի է լինելու ու պետք է պատրաստվել ընտրություններով իշխանափոխության անելուն:

Մյասնիկյան պողոտայում «Kia Sportage»-ը բախվել է էլեկտրասյանը. 3 հոգի տեղափոխվել է հիվանդանոցներ

26.12.2024 ● 08:40

Բախման հետևանքով էլեկտրասյան վրա տեղադրված արտաքին լուսավորության լամպը կոտրվել է։

Սևանում բախվել են «Toyota Corolla»-ն և «Opel Astra»-ն. 1 հոգի տեղափոխվել է ԲԿ

26.12.2024 ● 08:07

Վթարի հետևանքով 1 հոգի մարմնական վնասվածքներով տեղափոխվել է «Սևան» բժշկական կենտրոն։

Նիկոլ Փաշինյանի իշխանությունը փողի հանդեպ թուլություն ունի․ Անդրանիկ Թևանյան (տեսանյութ)

Ադրբեջանցիները՝ Նիկոլ Փաշինյանին․ «Դու Հայաստանի հետ պատահած ամենալավ բանն ես»

Կրեմլում ակնկալում են, որ Փաշինյանը տեսակապով կմասնակցի ԵԱՏՄ գագաթնաժողովին

● Լրահոս