Ոստիկանությունն իրավասու չէ մեկնաբանել Գյումրիի նախկին քաղաքապետ Վարդան Ղուկասյանի դստեր փեսացու Կարեն Եսայանի սպանության գործով նախօրեին տեղի ունեցած նիստին ամբաստանյալ Հարություն Սարգսյանի արած հայտարարությունը: Այս մասին «Չորրորդ իշխանության» թղթակցին հայտնել են ոստիկանության հասարակայնության և լրատվության հետ կապերի ծառայությունից:

Թերթը հայտնել էր, որ Կարեն Եսայանի սպանության գործով նախօրեին տեղի ունեցած նիստին ամբաստանյալ Հարություն Սարգսյանը հայտարարել է, որ երբեք չի ընդունի իրեն մեղսագրվող արարքը, քանի որ դիմացել է, և դա չի արել դաժան ծեծի ենթարկվելուց հետո Գյումրիի ոստիկանությունում, ոստիկանության Շիրակի մարզային վարչությունում, այնպես էլ Երևանի ՁԱՊՎ-ում, նա իր ցուցմունքում նշել է, որ իրեն ծեծելու գործընթացին մասնակցել է նաև քրեական հետախուզության պետ Աշոտ Կարապետյանը, որն այժմ Երևանի ոստիկանապետն է: Այդ ծեծը, նրա խոսքով, ամենադաժանն էր, որից հետո նույնիսկ կորցրել է գիտակցությունը:

Մանրամասները՝ «ՉԻ» այսօրվա համարում։