Այսօր լրագրողների հետ հանդիպմանը ՏՄՊՊՀ նախագահ Արտակ Շաբոյանն ասել է, որ Հայաստանի տնտեսական մրցակցության պաշտպանության պետական հանձնաժողովը (ՏՄՊՊՀ) համաձայն չէ Համաշխարհային բանկի «Հայաստանի Հանրապետություն. Կուտակում, մրցակցելիություն և միակցություն» զեկույցի որոշ եզրակացությունների հետ.

«Համաշխարհային բանկի մասնագետները նշում են, որ Հայաստանի տնտեսության մոնոպոլացման աստիճանը բարձր է՝ ԱՊՀ մյուս երկրների համեմատ: Մենք համամիտ չենք այդ մտքի հետ, և չենք կարծում, որ դա այդպես է»։

Նրա խոսքերով՝ քանի որ կենտրոնացված ոլորտներում ստեղծված տնտեսության արժեքը շատ ավելի մեծ է չկենտրոնացվածների համեմատ, ստացվում է, որ ՀՆԱ նկատմամբ կենտրոնացված ոլորտների ստեղծած արդյունքը մեծ կշիռ ունի: Այդ պատճառով էլ Համաշխարհային բանկը մեզ համարել է առավել մոնոպոլացված տնտեսությամբ երկիր: