Բա խի՞ չեք պահանջում Դավութօղլուի հրաժարականը։
Երբ Պուտինը գալիս էր Հայաստան, FB-ում «մէ կռիվ, մէ պատերազմ» էին հայտարարել ռուսներին ու Պուտինին: Բայց Պուտինը Հայաստան գալուց, օրինակի համար, չի ասել, որ «Հայաստանը պետք է դուրս բերի իր զորքերը Ղարաբաղից»: Պուտինը չի մերժում Ցեղասպանության փաստը, նույնիսկ ավելին` այցելեց Ծիծեռնակաբերդ:
Ինչու եմ սա ասում. ամսի 12-ին Երևան է գալու Թուրքիայի ԱԳ նախարար Ահմեդ Դավութօղլուն, ով գալուց առաջ բացահայտորեն հայտարարեց, թե Հայաստանը պետք է դուրս բերի իր զորքերը «օկուպացրած» տարածքներից: Դավութօղլուն սիստեմատիկ կերպով մերժում է Ցեղասպանության փաստը, բայց հաստատ մի 30 հոգի էլ դուրս չի գա փողոց` իրա դեմ ակցիա անելու: Իսկ ինչո՞ւ դուրս չեն գա։ Որովհետև «Արևմուտքը դոբռո ($) չի տվել»։
Սա ասում եմ այն բանի համար, որ ևս մեկ անգամ ընդգծեմ, որ մեր պրոբլեմը ոչ թե Պուտինի կամ Օբամայի, կամ Ֆյուլեի մեջ ա, այլ հենց մեր երկրում ա: «Արևմտամետներն» իրականում «ռուսամետներից» ոչնչով չեն տարբերվում, իրենք պատրաստ են մի մասը ռուսական փողերի դիմաց, մյուսը` Արևմուտքից եկած փողերի դիմաց ակցիաներ անել, զանազան միջոցառումներ կազմակերպել, բայց ուրանալ Հայաստանն ու Հայաստանի շահերը:

Արմեն Միքայելյանի ֆեյսբուքյան էջից