Հարյուրավոր մարդիկ դեկտեմբերի 15–ին Ադրբեջանի մայրաքաղաքում ելել էին բողոքի ցույցի` ընդդեմ վառելիքի ու սննդամթերքի թանկացման: Այս մասին տեղեկացնում է azatutyun.am–ը։

Ցուցարարները վանկարկում էին հակակառավարական կարգախոսներ` պահանջելով նախագահ Իլհամ Ալիևի հրաժարականը: Նրանք Ալիևին մեղադրում էին կոռուպցիան հովանավորելու և հոկտեմբերի 9-ի նախագահական ընտրությունների արդյունքները կեղծելու մեջ:

Արտոնված հանրահավաքը կազմակերպել էր Ժողովրդավարական ուժերի ազգային խորհուրդը, որը ղեկավարում է նախագահի նախկին թեկնածու Ջամիլ Հասանլին:

Դիմելով ցուցարարներին` Հասանլին հորդորել է «շարունակել Ադրբեջանում բռնապետության դեմ պայքարը մինչև երկրում ժողովրդավարության հաղթանակը»:

Ցուցարարները նաև իրենց համերաշխությունն են հայտնել Կիևում ընթացող հակակառավարական ակցիաների մասնակիցներին:

Մանրամասները՝ azatutyun.am–ում։