Դեկտեմբերի 19-ին, ժամը 12.20-ին, հիվանդանոցից ոստիկանության Հրազդանի բաժնում հաղորդում է ստացվել, որ «գանգուղեղային վնասվածք, գլխուղեղի ցնցում հարցականով» ախտորոշմամբ հիվանդանոց է տեղափոխվել 2009 թ. ծնված Մոնիկա Ա.-ն:

Պարզել է, որ երեխան վնասվածքը ստացել է դեկտեմբերի 18-ին, ժամը 10.00-ի սահմաններում, Հրազդան քաղաքի Զորավար Անդրանիկի պողոտայի թիվ 55 շենքի մոտ «ՎԱԶ-2101» և «Միցուբիշի» մակնիշի ավտոմեքենաների բախման հետևանքով:
Մոնիկա Ա.-ն վթարի պահին գտնվել է «ՎԱԶ-2101»-ի սրահում:
Նախապատրաստված նյութերն ուղարկվել են ոստիկանության Կոտայքի մարզի քննչական բաժին:

***
Դեկտեմբերի 19-ին, ժամը 17.35-ին, «ՎԱԶ-21099» մակնիշի ավտոմեքենան Գյումրի-Ջրառատ ճանապարհի 14-րդ կմ-ին բախվել է «ԳԱԶ-24» մակնիշի ավտոմեքենայի:
Պատահարի հետևանքով «ԳԱԶ-24»-ի վարորդը, «ՎԱԶ-21099»-ի վարորդը և 2 ուղևորները մարմնական վնասվածքներով տեղափոխվել են հիվանդանոց:
Կատարվում է քննություն: