Դեռ երեկ, հղում անելով 168.am կայքին, գրել էի վարչապետի նոր բիզնեսի՝ Ջրվեժում նոր ջերմատուն ունենալու մասին, որում բույսերն աճեցվում են նոր՝ հիդրոպոնիկական եղանակով, իսկ աշխատողները վարձատրվում են 2-3 անգամ ավելի (հետաքրքիր է, թե ում հաշվին):
Եվ փոխանակ վարչապետը կամ գոնե իր աշխատակազմի որևէ ներկայացուցիչ հերքեր այդ տեղեկատվությունը, տեղի ունեցավ «անսպասելին»։
ՀՀ կառավարությունն այսօր հավանություն տվեց Հայաստանի Հանրապետության գյուղացիական տնտեսություններում ջերմոցային տնտեսության խթանման հայեցակարգին: Ըստ այդ հայեցակարգի՝ մինչև 1000 քառ. մետր տարածքում նոր հեշտացված կարգով կարող են ջերմոցային տնտեսություն հիմնել, իսկ 1000 քառ. մետրից ավել տարածք զբաղեցնելու դեպքում նոր պետք է համապատասխանեցնեն որոշ չափանիշների:
Սրանով հերթական անգամ կառավարությունը, վարչապետի գլխավորությամբ, այնպիսի պայմաններ է ստեղծում, որ գյուղացիներն իր հետ մրցակցությանը չդիմանան, իսկ ինքը զարգացնի իր բիզնեսը։
Սա ոչ այլ ինչ է, քան պաշտոնական դիրքի չարաշահում, երբ մեկ անձն ընդունում է որոշումներ ի նպաստ իրեն և իր բիզնեսի՝ բացահայտ ծաղրելով ժողովրդին։

Արման Թաթոսյանի ֆեյսբուքյան էջից