«7օր»–ի տեղեկություններով՝ դեկտեմբերի 23–ին ՀՀ ԱԺ նիստերի դահլիճում բողոքի ակցիա իրականացրած լրագրողները դիմել են Ազգային ժողովի էթիկայի հանձնաժողովին։

Հիշեցնենք, որ ՀՀ և ՌԴ կառավարությունների միջև ստորագրված «գազային» համաձայնագրի քվեարկության ժամանակ «Zham.am»–ի լրագրող Աննա Եղիազարյանը, «Ilur.am»–ի լրագրող Հակոբ Կարապետյանը, «Hetq.am»–ի լրագրող Գրիշա Բալասանյանը և «Civilnet.am»–ի լրագրող Սարգիս Խանդանյանը բողոքի գործողություն էին իրականացրել՝ քաղաքական մեծամասնությանը կոչ անելով սթափվել և չվավերացնել այդ համաձայնագիրը։

Բորբոքվելով լրագրողների այդ ակցիայից, ՀՀԿ–ական պատգամավոր Առաքել Մովսիյանը (Շմայս) սեռական բնույթի հայհոյանքներ էր հասցրել նրանց և անվայելուչ արտահայտություններ թույլ տվել։

Այժմ լրագրողները էթիկայի հանձնաժողովից պահանջում են պարտավորեցնել Առաքել Մովսիսյանին հրապարակային ներողություն խնդրել ինչպես դահլիճում, այնպես էլ ԱԺ–ի օթյակում բողոքի գործողություն իրականացրած լրագրողներից։

7or.am