ԼՂՀ Քարվաճառի տարածքում գտնվող Չոփռլուի զորամասից ծանր վիճակով զինվորական հոսպիտալ տեղափոխված ժամկետային զինծառայող Մհեր Խլղաթյանի մայրը՝ տիկին Գոհարը, հայտարարում է, որ իր որդին խոշտանգումների է ենթարկվել: Այս մասին գրում է galatv.am–ը։ Նրան ոչ միայն չեն բուժել, այլեւ պատժել են՝ համարելով «սիմուլյանտ», ձեռքերն ու ոտքերը այրել են, իսկ գլխին ուժեղ հարվածներ տեղալուց Մհեր Խլղաթյանի մոտ ի հայտ է եկել հեմատոմա: Բացի այդ, զինծառայողը կորցրել է հիշողությունը, խոսելու ունակությունը: Զինվորի մոր խոսքերով՝ միայն երեկ է Մհերը սկսել անորոշ խոսել ու անպարզ մտքեր արտահայտել, սակայն չի կարողանում հիշել բոլոր հարազատներին:

«Ես տեսել եմ երեխայիս, առաջին օրվանից ես երեխայի մոտ եմ: Երեկ նոր երեխաս սկսեց խոսել, էն մեռած տեղից երեխաս վերակենդանանում է, բժիշկները նոր կյանք տվեցին Երեւանում, հանեցին ոտքի եւ կենդանություն տվեցին, դա ինձ համար մեծ բան է: Ինչ մնում է առողջականին, երկար բուժում է պետք երեխային, որ ինքը վերականգնվի: Էդ խոշտանգումները, ծեծը, ամեն ինչը, էդ սթրեսը, վախը, որ եղել է երեխայի հետ... էլ որ մեկը ասեմ, ահավոր բան է: Երկկողմանի թոքաբորբ է Մհերս, գլուխը վնասված է, նկարել են: Հեմոտոմա կա, հարվածել են գլխին, եւ առաջացել է հեմատոմա: Երկու-երեք օր չէր խոսում, երեկ նոր սկսեց խոսել, ինքը լրիվ օդերի մեջ է: Հիմա որ ինքը խոսում է, միտքը լրիվ չի ամբողջացնում»:

Մանրամասները՝ galatv.am–ում։