Ամփոփելով արտաքին քաղաքականության ոլորտում նախորդ տարում իրականացված աշխատանքները՝ ՀՀ ԱԳ նախարար Էդվարդ Նալբանդյանը նշել է, թե 2013թ.–ն նշանավորվեց Մաքսային միությանը Հայաստանի միանալու որոշմամբ։

Ինչ վերաբերում է ԼՂ հիմնահարցին, արտաքին գերատեսչության ղեկավարը հայտնել է, որ հակամարտության կարգավորման ուղղությամբ Հայաստանը տարվա ընթացքում շարունակել է ԵԱՀԿ Մինսկի խմբի համանախագահների հետ համատեղ ջանքերը։

«Միջազգային հանրության մոտեցումները համահունչ են Հայաստանի կողմից որդեգրած դիրքորոշմանն առ այն, որ հիմնախնդրի խաղաղ հանգուցալուծումը չունի այլընտրանք, և կարգավորման հիմնարար սկզբունքներն ու տարրերը մեկ ամբողջություն են, և դրանցից որևէ մեկը մյուսի նկատմամբ գերակայություն տալու փորձերն անհնարին կդարձնեն հիմնախնդրի կարգավորումը»,–նշել է նախարարը։

Խոսելով հայ-թուրքական հարաբերությունների մասին՝ Նալբանդյանն ասել է, որ դրանց առանց նախապայմանների կարգավորումը Հայաստանի սկզբունքային մոտեցումն է։

7or.am