Ուկրաինայի զինվորականները կոչ են արել նախագահ Վիկտոր Յանուկովիչին շտապ միջոցներ ձեռնարկել երկրում իրավիճակը կայունացնելու համար։ Այս մասին, «ՌԻԱ նովոստի»–ի փոխանցմամբ, հաղորդվում է երկրի Պաշտպանության նախարարության կայքում։

«Հայտնելով իրենց քաղաքացիական դիրքորոշումը՝ զինծառայողները և Ուկրաինայի ԶՈւ աշխատակիցները, որոնք ծառայություն են անցնում և աշխատում Ուկրաինայի պաշտպանության նախարարության ապարատում, հորդորում են Գերագույն հրամանատարին գործող օրենսդրության շրջանակներում անհետաձգելի միջոցներ ձեռնարկել իրավիճակը կայունացնելու և հասարակության հետ համաձայնության գալու ուղղությամբ»,–ասվում է հաղորդագրության մեջ։

Հունվարի 27-ին Ուկրաինայի պաշտպանության նախարար Պավել Լեբեդևը հայտնել էր, որ Ուկրաինայի զինված ուժերը չեն խառնվում բախումնային իրավիճակին երկրում և չեն պատրաստվում մասնակցություն ունենալ լուծմանը։ Որոշ քաղաքական գործիչների կոչերը՝ ներառել բանակը երկրում խնդրի կարգավորմանը, Լեբեդևը սադրանք է համարել։

Հիշեցնենք, որ ներկա պահին նախագահ Վիկտոր Յանուկովիչը գտնվում է հիվանդանոցում։