–Այս հանձնաժողովի ստեղծմամբ փորձում ենք փրկել երկիրը,-այսօր ԱԺ ոչիշխանական 4 խմբակցությունների առաջարկած գազի գնի վերաբերյալ ժամանակավոր հանձնաժողով ստեղծելու հարցի քննարկման ժամանակ հայտարարել է պատգամավոր Հրանտ Բագրատյանը:

–Այսպիսի տնտեսական հորիզոն 30 տարով չի լինում: Ինչի՞ ենք գնում, Ռուսաստանի հետ գին պայմանավորվում, հետո բերում ու գին ենք հաստատում: Ստացվում է, որ ռուսները բերում են բարձր գինը ու մեր ձեռքով հաստատում: Սա ուղղակի մոնոպոլիա է: Այս համաձայնագրերը կնքվել են կառավարության կողմից, որպեսզի իշխանությունները համոզվեն, թե որտեղ են խեցգետինները ձմեռում: Մտածե՛ք, ուշքի՛ եկեք, մեր անկախության մեծ մասն ենք կորցնում այս համաձայնագրերով,-հորդորել է Հրանտ Բագրատյանը:

Նա նաև ընդգծել է, որ այս համաձայնագրով փակվում է էներգետիկայի զարգացումը, արևային էլկետրաէներգիա չես կարող արտադրել, հիդրոէլեկտրակայանների շինարարությունը պիտի կանգնի:

7or.am