ՀՀ ԱԺ ԲՀԿ խմբակցության քարտուղար Նաիրա Զոհրաբյանը «7օր»–ին պարզաբանել է, որ իրենց խմբակցության անդամ Գրիգոր Գրիգորյանը շարունակում է պատգամավոր մնալ։

Ինչպես արդեն տեղեկացրել էինք, ԱԺ այսօրվա քառօրյայում խորհրդարանի նախագահ Հովիկ Աբրահամյանը հայտնել էր, որ Գրիգոր Գրիգորյանն ԱԺ պաշտպանության, ազգային անվտանգության և ներքին գործերի հանձնաժողովի նախագահի տեղակալի պաշտոնից հրաժարականի դիմում է ներկայացրել։

–Գրիգոր Գրիգորյանն ընդամենը հրաժարական է ներկայացրել հանձնաժողովի փոխնախագահի պաշտոնից։ Նա մնում է պատգամավոր, նա մնում է այդ հանձնաժողովում։ Քանի որ Դոնթի բանաձևով այդ հանձնաժողովի փոխնախագահի պաշտոնում թեկնածու ներկայացնելու իրավասությունը տրված է «Բարգավաճ Հայաստանին», մենք ԱԺ պաշտպանության, ազգային անվտանգության և ներքին գործերի հանձնաժողովի նախագահի տեղակալի պաշտոնում արդեն ներկայացրել ենք Աբրահամ Մանուկյանի թեկնածությունը,–«7օր»–ին ասել է Ն. Զոհրաբյանը։

7or.am