Կուտակային կենսաթոշակային համակարգի պարտադիր բաղադրիչին դեմ են նաև Արտաշատի Ամո Խարազյանի անվ. պետական դրամատիկական թատրոնի աշխատակիցները։ Նրանք միացել են «Դ!ԵՄ ԵՄ» քաղաքացիական նախաձեռնությանը։

«7օր»–ը զրուցել է այդ թատրոնի դերասան Հարութ Մինասյանի հետ, ում խոսքերով՝ չնայած ՍԴ որոշմանն ու ՊԵԿ հայտարարությանը, իրենց աշխատավարձից պարտադիր պահումներ են կատարում։

–Մեր թատրոնը մոտ 54 աշխատակից ունի, որոնցից 20–ի վրա է տարածվում օրենքի պարտադիր բաղադրիչը։ Սակայն, մյուս բոլոր աշխատակիցներն էլ են մեզ հետ ու մասնակցելու են այսօրվա Իրավունքի նվաճման երթին։ Կարծում եմ՝ Կառավարությունի՛ց են ստիպում, որ մեր աշխատավարձից պարտադիր պահումներ անեն,–ասել է Հ. Մինասյանը։

Թատրոնի աշխատակիցները մտադիր են նաև գործադուլ հայտարարել, պարզապես սպասում են այսօրվա բողոքի գործողության ավարտին։ Իսկ մինչ այդ նրանք բողոքի նամակ են գրել ՀՀ մշակույթի նախարարին։

7or.am