Այսօր հրավիրված ասուլիսում «Ներազգային ազատագրական» շարժման հիմնադիր Վահան Մարտիրոսյանը հայտնել է, որ «Գազպրոմ Արմենիա»–ն հատուկ սարքով՝ ազոտ խառնելու միջոցով, կալորիազրկում է գազը՝ ավելացնելով դրա ծավալըը։ Նա այդ երևույթը համեմատել է կաթի մեջ ջուր խառնելու հետ.

–Եթե կաթը 30 անգամ ջրով բացեն, ծավալը լիտրերով կավելանա։ Նույն կերպ ներքին ռեզերվուարներում գցում են գազի կալորիականությունը,–ասել է Վ. Մարտիրոսյանը՝ հավելելով, որ այդ սարքի լուսանկարն իրենց է տրամադրել «Գազպրոմ Արմենիա»–ի աշխատակիցներից մեկը։

Բանախոսը նշել է, որ Ռուսաստանից ներկրվող գազը բարձր կալորիականություն ունի, բայց սահմանից այս կողմ կալորիազրկվում է, նոր հասնում բնակչությանը.

–«Գազպրոմ Արմենիա»–ն այդպիսի 3 սարք է գնել՝ յուրաքանչյուրը 350 հազար դոլար արժողությամբ։

Նա նաև ընդգծել է, որ գազի որակը ստուգող բոլոր 2 լաբորատորիաներն էլ պատկանում են «Գազպրոմ Արմենիային».

–Այդ ընկերության մոտ հիստերիա է սկսվում, երբ խոսվում է ազոտի մասին,–ասել է նա՝ կոչ անելով «Գազպրոմ-Արմենիա»–ից բոլոր տուժածներին դիմել դատարան։

7or.am