Պարզվում է` Հայաստանն օտարերկրյա պետություններից նաեւ մարդասիրական օգնություն է ստանում: Ըստ ԱՎԾ տվյալների՝ 2013թ. ընթացքում մարդասիրական օգնության անվան տակ ՀՀ է ներմուծվել 4 հազար 24 տոննա ապրանք՝ ընդհանուրը 57.8 մլն ԱՄՆ դոլար արժեքով: Նկատենք, որ նախորդ տարի ստացված մարդասիրական օգնությունը պակաս է 2012թ. ներմուծվածից. այն ժամանակ ՀՀ էր բերվել 5 հազար 141 տոննա ապրանք` 58.5 մլն դոլար արժողությամբ: Ամենաշատ մարդասիրական օգնությունը ՀՀ-ն ստացել է ԵՄ անդամ երկրներից: Ընդ որում, ՀՀ են ուղարկվել ամենատարբեր տիպի ապրանքներ՝ հանքահումքային արտադրանք, սնունդ, թուղթ, թանկարժեք ու կիսաթանկարժեք քարեր, մետաղներ, անգամ՝ վերգետնյա, օդային ու ջրային տրանսպորտային միջոցներ: Մասնագետները, սակայն, «Ժողովուրդ»-ի հետ զրույցում կասկածներ հայտնեցին, որ մարդասիրական օգնության անվան տակ շատ ապրանքատեսակներ ՀՀ են ներմուծվել մաքսազերծումից խուսափելու եւ ավելորդ հարկեր չմուծելու համար:

Մանրամասները՝ թերթի այսօրվա համարում։