Գեղասահորդ Ալեքսեյ Յագուդինն ասել էր, որ Եվգենի Պլյուշչենկոն Սոչիի օլիմպիադայում բացարձակ ոչ սպորտային վարք է դրսևորել և հաղթանակ տարել ուրիշների հաշվին։

Այս խոսքերից հետո, ինչպես «Twitter»–ում գրել է Յագուդինը, Պլյուշչենկոյի կողմից իր հասցեին սպառնալիքներ են հնչել։

«Երեկ հեռախոսազանգ եմ ստացել, խոսել եմ նաև Յանայի հետ, ինչպես որ ինձ ներկայացրեցին։ Եղել են կյանքին և ընտանիքին ուղղված սպառնալիքներ։ Եթե իմ կամ իմ ընտանիքի անդամներից որևէ մեկի հետ ինչ–որ բան պատահի, մեղադրե՛ք Յանային և Ժենյային ու նրանց շրջապատին։ Շատ եմ ցանկանում հուսալ, որ դրանք ուղղակի հիվանդ մարդիկ էին, այլ ոչ թե նրանք»,–գրել է Յագուդինը։

Փոխարենը՝ Պլյուշչենկոյի պրոդյուսեր Յանա Ռուդկովսկայան հերքել է սպառնալիքների մասին մեղադրանքը՝ Յագուդինին խորհուրդ տալով պաշտոնական հայտարարություններ անելիս գլխով մտածել. «Ի վերջո, նա արդեն մեծ տղա է»։

7or.am