Փետրվարի 19-ին ՀՀ ԱԻՆ Ճգնաժամային կառավարման կենտրոնում ահազանգեր են ստացվել հանրապետության տարբեր հատվածների խոտածածկ տարածքներում բռնկված հրդեհների վերաբերյալ:
Մասնավորապես` Հրազդանի կիրճում` «Փարվանա» ռեստորանային համալիրի մոտակայքում, այրվել է 5000 քմ բուսածածկ տարածք, ձիարշավարանի մոտակայքում՝ 5 հա խոտածածկ տարածք և 20 քմ եղեգ, Արարատի մարզի Շահումյան գյուղի Արազի փողոցում՝ 1000 քմ խոտածածկ տարածք, Փ.Տ.-ին պատկանող հողատարածում` 2000 քմ խոտածածկույթ և 10 ծիրանենի, Ռ.Բ.-ին պատկանող հողատարածքում` 100 քմ խոտածածկույթ, 7 ծիրանենի և 8 փշատենի, Մասիս քաղաքի 5-րդ փողոցի թիվ 45 տան բակում՝ 1000 քմ խոտածածկույթ և 10 խնձորենի, թիվ 41 և թիվ 43 տների բակում` մոտ 1000 քմ խոտածածկույթ, Ռանչպար գյուղի 1-ին փողոցի մոտակայքում՝ 400 հակ պահեստավորված անասնակեր և 2000 քմ խոտածածկ տարածք, Հովտաշեն գյուղի 2-րդ փողոցում՝ մոտ 1 հա չոր խոտ, Էջմիածին-Մարգարա հատվածում՝ 1000 քմ խոտածածկույթ, Մյասնիկյան-Դալարիկ հատվածում՝ մոտ 1500 քմ, Արմավիրի մարզի Գայ գյուղում՝ 7000 քմ խոտածածկույթ, Լոռու մարզի Լեջան գյուղի գերեզմանատան մոտակայքում՝ 1,5 հա խոտածածկույթ, Վայոց ձորի մարզի Աղավնաձոր գյուղում՝ մոտ 1 հա խաղողի այգի, մոտ 10 հա խոտ, Տավուշի մարզի Աչաջուր գյուղի «Կրիվոյ» կոչվող տարածքում՝ մոտ 2 հա խոտածածկ տարածք:
Բոլոր հրդեհները մեկուսացվել են ու մարվել: