«Գարնանացանի համար անհրաժեշտ սերմնացուների, պարարտանյութերի ու դիզվառելիքի բաժանման գործընթացն այլևս նախկինի պես չի լինելու, երբ բաժանում էին ներկրված ապրանքները, իսկ հետո դժվարանում գումարները հավաքագրել: «Սերմերի գործակալություն» ՊՈԱԿ-ը սերմերը կմատակարարի մարզկենտրոններում, յուրաքանչյուր շահառու ինչպիսի հայտ է ներկայացրել, վճարումները կկատարի ու դրանք կստանա համայնքից»,–այսօրվա ասուլիսին ասել է ՀՀ գյուղատնտեսության փոխնախարար Սամվել Գալստյանը՝ հայտնելով, որ սերմնացուների, պարարտանյութերի ու դիզվառելիքի ներկրումը Հայաստան արդեն սկսվել է։

Ըստ բանախոսի՝ այս տարի առաջին անգամ, բացի ազոտական պարարտանյութից, ներկրվում են նաև ֆոսֆորական և կալյումական պարարտանյութեր։

«Ուզում եմ, որ ամրագրեք՝ մեկ 50 կգ կշռող ազոտական պարարտանյութի պարկը համայնքներում կհատկացվի հողօգտագործողներին 6000 դրամով, իսկ մեկ 50 կգ ֆոսֆորական և կալյումական պարարտանյութերի պարկը՝ 7000 դրամով»,–ասել է փոխնախարարը։

7or.am