Ավելի անհեթեթ պատասխան չենք ունեցել

● Լրահոս

12.03.2014 ● 12:43

Ավելի անհեթեթ պատասխան չենք ունեցել

27.02.2014թ. ԸԻԿ-ը դիմեց «Կարեն Դեմիրճյանի անվան երեվանի մետրոպոլիտեն» ՓԲԸ տնօրեն պարոն Փ. Յայլոյանին առաջարկով` արտադատական ճանապարհով լուծելու մետրոպոլիտենի 3 աշխատողների աշխատանքից ազատման խնդիրը` պարզաբանելով նրանց կողմից ՀՀ ԱՕ 113-րդ հոդվածի 1-ին մասի 6-րդ կետի կիրառելիության խնդիրը, միևնույն ժամանակ մեր կողմից արվող առաջարկի մերժման դեպքում պահանջել ենք տրամադրել աշխատանքից ազատման համար հիմք հանդիսացող բոլոր փաստաթղթերը` զեկուցագրերը:

Մեր կողմից բարձրացված խնդիրները ոչ միայն չեն ընդունել, այլև մերժել են ամբողջությամբ հետևյալ հիմնավորմամբ` «Տեղեկատվության ազատության մասին» ՀՀ օրենքի 8-րդ հոդվածի 1-ին մասի 2-րդ կետի համաձայն վստահությունը կորցնելու վերաբերյալ հիմք հանդիսացող բոլոր փաստաթղթերը մեզ չեն կարող տրամադրվել:

Մինչդեռ նշված օրենքի 8-րդ հոդվածի 1-ին մասի 2-րդ կետը սահմանում է. «տեղեկատվություն տնօրինողը, բացառությամբ սույն հոդվածի 3-րդ մասում սահմանված դեպքերի, մերժում է տեղեկության տրամադրումը, եթե դա՝ 2)խախտում է մարդու անձնական և ընտանեկան կյանքի գաղտնիությունը, այդ թվում՝ նամակագրության, հեռախոսային խոսակցությունների, փոստային, հեռագրական և այլ հաղորդումների գաղտնիությունը»:

Սակայն պարզ չէ թե այդ տեղեկատվության գաղտնիությունը ում է վերաբերվում` աշխատանքից ազատված աշխատողներին թե զեկուցագիր կազմողներին:

Մետրոպոլիտենը մոռանում է այն հանգամանքը, որ այդ փաստաթղթերը` 3 աշխատողների նկատմամբ գործատուի կողմից ընդունած անհատական ակտերն են, որոնց հիման վրա նրանք ազատվել են աշխատանքից և ՀՀ ԱՕ-ի 5-րդ հոդվածի 4-րդ կետի համաձայն. Գործատուի ընդունած ներքին և անհատական իրավական ակտերն ուժի մեջ են մտնում այդ ակտի մասին համապատասխան անձանց պատշաճ կարգով իրազեկելու պահից, եթե այդ իրավական ակտերով այլ ժամկետ նախատեսված չէ: Այսինքն նրանք պարտավոր էին տրամադրել աշխատողներին զեկուցագրերի պատճեները, ինչը մինչ օրս հրաժարվում են տրամադրել թե ՀԿ-ին և թե աշխատողներին:

Մեքենավարները աշխատանքից ազատվել են աշխատանքային օրենսգրքի 113 հոդվածի 1-ին մասի 6-րդ կետով, որի հիմքերը գործատուի մոտ բացակայում են ըստ ՀՀ ԱՕ-ի 122-րդ հոդվածի, որտեղ նշված են վստահությունը կորցնելու հստակ հիմքերը:

ՀՀ ԱՕ-ի 223-րդ հոդվածի համաձայն` վստահությունը կորցնելու հիմքով աշխատանքային պայմանգրի լուծումը համարվում է կարգապահական տույժ: Իսկ 226-րդ հոդվածի համաձայն. մինչև կարգապահական տույժի կիրառումը գործատուն պետք է աշխատողից պահանջի խախտման մասին գրավոր բացատրություն: Եթե գործատուի սահմանած ողջամիտ ժամկետում աշխատողն առանց հարգելի պատճառների չի ներկայացնում բացատրություն, ապա կարգապահական տույժը կարող է կիրառվել առանց բացատրության:

Մինչդեռ, մետրոպոլիտենի կողմից չի հիմնավորվել աշխատանքից ազատումը ՀՀ ԱՕ-ի որևէ հոդվածի պահպանմամբ:

Նշենք, որ այսօր մարտի 10-ին սանդուղքավարների հայցը ներկայացվել է Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:

● Այս խորագրի վերջին նյութերը

Նախօրեին 42-ամյա տղամարդը մահացել է եղբոր արձակած կրակոցից. ՔԿ-ն մանրամասներ է հայտնել

16.11.2024 ● 16:42

Գիտակցության չգալով, մահացել է:

Մահացել է «Ադամանդե ձեռքը» և այլ հայտնի ֆիլմերի դերասանուհի Սվետլանա Սվետլիչնայան

16.11.2024 ● 16:37

84 տարեկան հասակում մահացել է ՌՍՖՍՀ վաստակավոր արտիստուհի Սվետլանա Սվետլիչնայան։

Բիզնեսն` ընդդեմ սպորտի. ֆուտբոլի դաշտն ուզում են քանդել, բարձրահարկ շենք կառուցելու համար (տեսանյութ)

16.11.2024 ● 16:18

Մի՛ զարմացեք, որ երկրում ֆուտբոլը չի զարգանում:

ՀՀ-ի հայտարարությունները վկայում են ՀԱՊԿ աշխատանքի բոլոր ձևաչափերից հեռանալու մասին. ՌԴ ԱԳՆ

16.11.2024 ● 12:59

Հարցն ուղղեք հայկական կողմին։

Նոր Զելանդիայի ընդդիմության յուրօրինակ բողոքի ակցիան

16.11.2024 ● 12:57

Երգել են և թուղթ պատռել։

Վրաստանի ընդդիմադիր կուսակցության ղեկավարը սև ներկ է լցրել ԿԸՀ նախագահի վրա

16.11.2024 ● 12:53

Արտառոց դեպք Թբիլիսիում։

Ներքին Շենգավիթի փողոցներն այս տեսքն ունեն

Բիզնեսն` ընդդեմ սպորտի. ֆուտբոլի դաշտն ուզում են քանդել, բարձրահարկ շենք կառուցելու համար (տեսանյութ)

Եթե ՔՊ-ն փորձի անտեսել քաղաքացիների ստորոգրությունը, «Մայր Հայաստանը» կնախաձեռնի հանրաքվե․ Արշակ Սարգսյան (տեսանյութ)

● Լրահոս