Հարգելի՛ գործընկերներ, արդեն մի քանի օր բուռն քննարկման առարկա դարձած ‹‹Քաղաքացիական օրենսգրքում լրացումներ կատարելու մասին›› ՀՀ օրենքի նախագծի վերաբերյալ ՀՀ ԱԺ պետական-իրավական հարցերի մշտական հանձնաժողովը կազմակերպում է խորհրդարանական լսումներ` մարտի 31-ին, ժամը` 11.00 ՀՀ Ազգային ժողովի նստավայրում (ք.Երևան, Բաղրամյան 19, N 334 սենյակում):
Նախագծի որևէ դրույթ չի հավակնում դոգմատիկ ճշմարտություն դառնալ, վերջնական չէ և պիտի դառնա քննարկման առարկա, և կարող է լրամշակվել ԶԼՄ-ների հետ քննարկումների արդյունքում:
Այս ամենի հաշվառմամբ խնդրում ենք բոլոր շահագրգիռ անձանց մասնակցել լսումներին և ներկայացնել իրենց առաջարկությունները:
Այս պահին արդեն ստացվել են բազմաթիվ առաջարկություններ, որոնք նախագծի հեղինակների կողմից դարձել են և կդառնան քննարկման առարկա: Լսումները առավել արդյունավետ դարձնելու համար, խնդրում ենք բոլոր այդ առաջարկությունները ուղարկել նաև նախագծի համահեղինակներին, որոնք կամփոփվեն լսումների ընթացքում:
Մասնակցությունը հաստատելու համար կարող եք դիմել ինչպես նախագծի համահեղինակներին, այնպես էլ ՀՀ պետական- իրավական հարցերի հանձնաժողով: Առավել մանրամասն օրակարգի, զեկուցումների, ինչպես նաև մասնակցությունը գրանցելու մասին, վաղը ՀՀ ԱԺ պաշտոնական ինտերնետային կայքում:(parliament.am)

ԲՀԿ պատգամավոր
Էլինար Վարդանյան