Թուրքիայում հանդիպել են այդ երկրի վարչապետ Ռեջեփ Էրդողանն ու Ուկրաինայի Գերագույն ռադայի պատգամավոր Մուսթաֆա Ջեմիլևը, ով ավելի քան 20 տարի ղեկավարում է ղրիմյան թաթարների Մեջլիսը։ «УНИАН»–ի փոխանցմամբ՝ հանդիպումից հետո մեջլիսի տարածած հաղորդագրության մեջ ասվում է, որ Էրդողանը մտադիր չէ ճանաչել մարտի 16–ին Ղրիմում անցկացված հանրաքվեն, քանի որ այն հակասում է միջագային նորմերին։ Նա նաև մտահոգություն է հայտնել Ուկրաինայում պահպանվող ճգնաժամի կապակցությամբ և ընդգծել, որ ղրիմյան թաթարների վրա որևէ ճնշում գործադրվելու պարագայում իրենք պատրաստ են հնարավորինս աջակցել նրանց։

Էրդողանը նաև հիշեցրել է Թուրքիայի դիրքորոշումը, որ Ղրիմում ճգնաժամի հաղթահարումը տեսնում են խաղաղ ճանապարհով և Ուկրաինայի տարածքային ամբողջականության պահպանման շրջանակներում։

Մուսթաֆա Ջեմիլևը հայտարարել է, որ Թուրքիան Ուկրաինան տեսնում է ամբողջական և անկախ, ինչպես նաև դեմ է այդ երկրի ներքին գործերին օտարերկրյա ուժերի միջամտությանը։

7or.am