Երբ Գագիկ Ծառուկյանն իր հայտնի համագումարյան ելույթում խոսեց փոքր ու միջին բիզնեսի շահերից ու իրավունքներից, երբ բարձրաձայնեց «Հարկային արձակուրդի» գաղափարը, երբ այսօրվա կառավարության սոցիալական տնտեսական քաղաքականությունը կոշտ քննդատության ենթարկեց և համարեց սխալ` իշխանությունները հետևություններ անելու փոխարեն դհոլների մոբիլիզացիա հայտարարեց ընդդեմ ԲՀԿ-ի:

Իհարկե, եթե ավելի խելոք քայլի ընդունակ լինեին` կանեին: Բայց իրականությունն այն է, որ վերջին շրջանում մոտավորապես 4 հազար խանութ է փակվել Հայաստանում: Իսկ թե քանի հազար վարսավիրանոց, կրպակ, սրճարան, տաքսի ծառայություն և այլն` ավելի լավ կիմանա իշխանությունը: Թե փակվածներից քանի հազարն է լքել Հայաստանը, դա էլ ավելի լավ կիմանա իշխանությունը:
Կից ներկայացված լուսանկարները՝ սովորական մարդու, Հայաստանի Հանրապետության քաղաքացու հուսահատ ճիչն է:

Այս իշխանությունը չի թողնում հային ապրել Հայաստանում, չի թողնում սեփական արդար քրտինքով տունը պահել, չի թողնում երեխային հայկական դպրոց ուղարկել ու մեծանալ հայրենիքում:

Կամ պետք է դհոլ դառնաս, կամ լինես «նեղ կռուգի մարդ», որ թալանելու արտոնագիր ստանաս:

Վահրամ Գեւորգյան

Աղբյուրը՝ http://top-news.am/11/1/news/29730.html