«ԱՊԱ» գործակալությունը, խաղաղության հիմնախնդիրների հետազոտման ստոկհոլմյան ինստիտուտի զեկույցին հղումով, գրում է, որ Ադրբեջանը Եվրոպայում սպառազինությունների հիմնական տեսակներ ներկրող երկրորդ խոշորագույն երկիրն է։

Աշխարհի մի շարք տարածաշրջաններում զենքի ներմուծման և արտահանման հարցերով 2009-2013թթ. և 2004-2008թթ. ընթացքում համեմատական վերլուծություն պարունակող զեկույցում նշվում է, որ վերջին 5 տարվա ընթացքում Եվրոպայում զենքի ներկրումը կրճատվել է 25%-ով՝ 2004-2008թթ. համեմատությամբ։

Սպառազինությունների հիմնական տեսակների խոշորագույն ներմուծողը Մեծ Բրիտանիան է. այնտեղ է գնում եվրոպական արտահանման 12%-ը։ Երկրորդ տեղում Ադրբեջանն է՝ 12% արդյունքով, երրորդը՝ Հունաստանը (11%)։

Դե, իսկ աշխարհին զենքի հիմնական մատակարարներն են ԱՄՆ-ը (29%), Ռուսաստանը (27%), Գերմանիան (7%), Չինաստանը ( 6%) և Ֆրանսիան (5%)։