Կառավարությունը «Դեմ եմ»–ից պահանջում է նախապայմաններով չխոսել (տեսանյութ)

● Լրահոս

26.03.2014 ● 17:12

Կառավարությունը «Դեմ եմ»–ից պահանջում է նախապայմաններով չխոսել (տեսանյութ)

ԱԺ–Կառավարություն հարցուպատասխանի ժամանակ ԲՀԿ խմբակցության պատգամավոր Տիգրան Ուրիխանյանը հետաքրքրվել է՝ «Դեմ եմ»–ի հետ երկխոսության պատրաստ կառավարությունը նաև պատրա՞ստ է կուտակային կենսաթոշակային համակարգի մասին օրենքից պարտադիր բաղադրիչը հանել։

Ի պատասխան՝ ՀՀ կառավարության աշխատակազմի ղեկավար–նախարար Վաչե Գաբրիելյանն ասել է, որ պատրաստ են աշխատել «Դեմ եմ» շարժման հետ՝ քննարկելու և շտկելու օրենքում առկա բացերը։

Տիգրան Ուրիխանյանը, սակայն, պահանջել է կոնկրետ պատասխանել՝ պատրա՞ստ են կասեցնել պարտադիր բաղադրիչը, թե ոչ։ Բայց այս անգամ էլ Վաչե Գաբրիելյանը նույնն է կրկնել՝ ավելացնելով.

–Չեմ կարծում, որ անհրաժեշտ է նախապայմաններով խոսել երկուստեք։ «Դեմ եմ»–ի հետ հանդիպման ժամանակ կքննարկենք այն հարցերը, որոնք փոփոխման ենթակա են կամ ենթակա չեն։ Եվ կարծում եմ՝ այդ հանդիպումն անպայման պետք է լինի ՍԴ որոշումից հետո։ Մենք նախապայմաններ չենք դնում և չենք ցանկանում, որ նրանք նույնպես նախապայմաններ դնեն։

7or.am