Ելնելով երկրում ստեղծված աննախադեպ իրավիճակից, ես՝ որպես բուհերում վարձավճարների դեմ պայքարն ու շարժումը կազմակերպող ուսանող, ողջունում և միանում եմ ՀՀ ԱԺ պատգամավոր, ԲՀԿ ԵՄ նախագահ Վահե Էնֆիաջյանի համախմբման կոչին՝ իմ և իմ թիմակիցների աջակցությունն եմ հայտնում առավել արդյունավետ գործունեության ծավալման համար: Ստեղծված քաոսային իրավիճակից սեփական հայրենիքը դուրս բերելու համար մենք՝ որպես ՀՀ քաղաքացիներ, պարտավոր ենք և պատրաստ ենք սեփական լուման ներդնել:
Նախկինում եղած իրադարձություններին գումարվում են նաև այնպիսի խայտառակ իրողություններ, ինչպիսին է օրինակ դեմոկրատական երկրում պարտադիր կուտակային կենսաթոշակային համակարգի կիրառումը՝ առանց կամավորության սկզբունքը և քաղաքացիների կամքը հաշվի առնելու, բացթողումներն ու թերացումները այնպիսի հիմնաքարային ոլորտներում, ինչպիսիք են պաշտպանության, կրթության և գիտության, բնապահպանության, առողջապահության և այլ ոլորտներ:
Կոչ եմ անում բոլոր տեսակի երիտասարդական միություններին և խմբավորումներին այս ծայրահեղ վիճակում ցուցաբերել հայրենասիրություն և նպատակասլացություն, շահերի համընդհանրության հիմունքով համախմբվել և պայքարել հանուն մեր և հաջորդող սերունդների առողջ ու խոստումնալից ապագայի համար:

Հարություն Մկրտչյանի ֆեյսբուքյան էջից