Հայաստանի ֆուտբոլի ֆեդերացիան հայտարարում է տենդեր-մրցույթ Վ. Սարգսյանի անվան “Հանրապետական” մարզադաշտում ըստ ստորև ներակայացված տեխնիկական պահանջների “Մուտքի ժամանակակից էլեկտրոնային համակարգ” և “Անվտանգության կենտրոնացված տեսահսկման համակարգ (CCTV)” տեղադրելու նպատակով:

1. “Մուտքի ժամանակակից էլեկտրոնային համակարգը” պետք է ներառի հետևյալ նվազագույն տեխնիկական պահանջները`

• Ծրագրային համակարգ
• Ծրագրային սերվեր
• Իրական ժամանակի տվյալների տրամադրման համակարգ
• Էլեկտրոնային պտուտակադռնակներ (տուրնիկետեր)
• Անցակետային հսկողության համակարգ
• Տոմսերի սկան համակարգ
• Տոմսերի բարկոդային համակարգ
• Տոմսերի գնման էլեկտրոնային համակարգ
• Տոմսերի նախնական պատրաստման և իրացման, ինչպես նաև տպագրման համակարգ

1. ““Անվտանգության կենտրոնացված տեսահսկման համակարգը (CCTV)” պետք է ներառի հետևյալ նվազագույն տեխնիկական պահանջները`

• Անվտանգության տեսահսկման կամերաներ մարզադաշտի դրսի և ներսի հատվածներում, որոնք կապահովեն իրական ժամանակում մարզադաշտի դրսի մուտքերի և մարզադաշտի ներսի ողջ տարածքի տեսահսկումը խաղից առաջ և ընթացքում
• Կենտրոնացված պահպանության համակարգչային և վահանակային կայան-կենտրոն մարզադաշտի տարածքում (control room) տեսահսկումը online ռեժիմով իրականացնելու համար
• Վիդեոռեգիստրատորներ
• Իրական ժամանակի տվյալների տրամադրման համակարգ
• Վիդեոկադրերի լուսանկարման համակարգ

Վերոնշյալ երկու պրոյեկտների մրցութային հայտերն ընդունվում են մինչև 2014 թվականի ապրիլի 30-ը`ժամը 18:00-ն ներառյալ:

Մրցութային հայտերը և անհրաժեշտ փաստաթղթերը մրցույթի մասնակիցները ներկայացնում են տպագրված ֆիրմային ձևաթղթի վրա` հաստատված մասնակից կազմակերպությունների կնիքով և ստորագրված ղեկավարների կողմից` նշելով մրցույթի անվանումը և ուղարկող կողմի կոնտակտային ամբողջական տվյալները:

Մրցութային հայտերն անհրաժեշտ է ներկայացնել Հայաստանի ֆուտբոլի ֆեդերացիայի Արտոնագրման բաժին (Խանջյան 27, Երևան 0010) կամ ուղարկել հետևյալ էլեկտրոնային հասցեով` [email protected]:

Լրացուցիչ տեղեկություններ ստանալու համար ցանկացողները կարող են դիմել Հայաստանի ֆուտբոլի ֆեդերացիայի Արտոնագրման բաժին: Կոնտակտային տվյալներ`

Արթուր Ազարյան

ՀՖՖ Արոտանագրման բաժնի պետ