Այսօր «S.O.S. Սևան» նախաձեռնության անդամներն Ազգային ժողովի դիմաց բողոքի գործողություն են իրականացնում՝ պահանջելով չընդունել Սևանա լճից հավելյալ ջրային ռեսուրսների բացթողնման վերաբերյալ կառավարության ներկայացրած օրինագիծը, որն ընդգրկված է ԱԺ այս քառօրյայի օրակարգում։

Ակցիայի մասնակիցները պարզել են «Չենք հանձնի Սեւանը», «Պաշտոնյաների ագահությունը կործանում է Սեւանը» գրությամբ պաստառներ։

ՀՀ կառավարությունը Ազգային ժողովի հաստատմանն է ներկայացրել «Սեւանա լճի էկոհամակարգի վերականգնման, պահպանման, վերարտադրման և oգտագործման միջոցառումների տարեկան ու համալիր ծրագրերը հաuտատելու մաuին» Հայաստանի Հանրապետության օրենքում լրացումներ կատարելու մասին օրինագիծը, որի ընդունման դեպքում Սեւանա լճից տարեկան առավելագույն 170 միլիոն խմ ծավալով ջրառը կավելանա` հասնելով մինչև 240 միլիոն խմ-ի 5 տարի ժամկետով։