Ինչպես արդեն տեղեկացրել էինք, երեկ ՀՅԴ–ն կողմ էր արտահայտվել «Կուտակային կենսաթոշակների մասին» ՀՀ օրենքում լրացում կատարելու մասին օրինագծին։ Սակայն այսօր ձեռնպահ քվեարկեց։

–Դաշնակցությունը ոչ թե կողմ էր, այլ դեմ չէր, ինչը չի նշանակում, որ պարտադիր կողմ պետք է լինենք,-խորհրդարանում պատասխանելով մեկ օրվա ընթացքում ՀՅԴ–ի դիրքորոշման փոփոխության մասին լրագրողների հարցին՝ ասել է ՀՅԴ խմբակցության ղեկավար Արմեն Ռուստամյանը:

Նա նաև գոհունակություն է հայտնել նոր կառավարության գործելաոճի կապակցությամբ։

–Կառավարությունը չի ուզում սխալներ կատարած նախորդ կառավարության ժառանգորդը հանդիսանալ, ինչը դրական է: Իսկ եթե նորից փորձելու են շրջանցել այդ խնդիրը, դա սխալ տեղ կտանի։ Պետք է հստակ քաղաքական ախտորոշում տրվի, որ չեն շարունակի նույն սխալներով գործել: Ու նաև պետք է ընդունեն սխալները, որոնցից մեկը կուտակայինի ներդրումն է,–ասել է Ա. Ռուստամյանը:

7or.am