ԵԱՀԿ գլխավոր քարտուղար Լամբերտո Զանիերը հուսով է, որ «նոր ջանքերը» կօգնեն առաջընթաց արձանագրել ղարաբաղյան հակամարտության կարգավորման բանակցային գործընթացում:

«Turan»-ի վաշինգտոնյան թղթակցի հետ հարցազրույցում Զանիերն ասել է, որ միջազգային հանրության ողջ ուշադրությունը կենտրոնացած է Ուկրաինայի դեմ ռուսական ագրեսիայի և այն բանի վրա, որ ապակայունացումը չտարածվի Կովկասի տարածաշրջանի վրա, ու իրավիճակի նոր սրման պատճառ չդառնա:

«Չնայած, ընդհանուր առմամբ, Կովկասում իրավիճակը հանգիստ է, սակայն ինքնորոշման մասին խոսակցությունները տագնապահարույց են: Իրավիճակը կարող է հետ վերադառնալ և խնդիրներ ստեղծել ապագայում»,- ասել է Զանիերը:

Այժմ Մինսկի խմբի միջնորդներն աշխատում են բարձր մակարդակով կողմերի նոր հանդիպումների նախապատրաստման ուղղությամբ:

«Այժմ, կարծես, Հարավային Կովկասում կարգավորման շուրջ իրական բանակցություններ սկսելու հնարավորություն կա»,- ասել է Զանիերը:

Աղբյուրը՝ ilur.am