ԱԺ քառյակի նիստից հետո, որը այս անգամ կայացավ ՀաԿ խմբակցությունում, նիստից հետո ՀԱԿ խմբակցության ղեկավար Լևոն Զուրաբյանը բացի հիմնական օրակարգի մասին ոխսելուց պատասխանեց նաև լրագրողներին հուզող այլ հարցերի նույնպես:

Մասնավորապես լրագրողների այն հարցին, թե քառյակը ուներ կուտակային հետ կապված նախագիծ և երբ է այն դրվելու քննարկամն: Ի պատասխան Լևոն Զուրաբյանն ասաց, որ քառյակն ունի ընդհանուր համաձայնություն, որ նախագիծը կդրվի շրջանառության մեջ, բայց կոնկրետ երբ դեռ չեն որոշել և դա ինչ-որ իմաստով կապված է նաև այն իրավիճակի հետ, որ կստեղծվի կուտակայինի այս պարտադիրի իրականացման շուրջ, և չորս քաղաքական ուժերը ըստ դրա էլ կհրավիրեն արտահերթ նիստ։

«Կառավարության բերած նախագիծը մենք չենք համարում բավարար, մենք ունենք ալտերնատիվ նախագիծ, որը այս պահին մեր կարծիքով համահունչ է ժողովրդի պահանջներին : Այս նախագիծը մենք մոտ օրերին հավելյալ որոշումը ընդունելուց հետո, կդնենք արտահերթ նիստին»,- ասա Զուրաբյանը:

Լրագրողները նաև հետաքրքրվեցին, թե կան արդյոք հակասություններ քառյակի ներսում` կապված կառավարության ծրագրի հետ: Լևոն Զուրաբյանն էլ ի պատասխան ասաց, որ իրենք երբեք հանրությանը չեն ներկայացնում իրենց հակասությունները այլ ներկայացնում են իրենց համաձայնությունները:

Նա նշեց, որ տարաձայնություններ բնականաբար լինում են, բայց որտեղ որ իրենք հասնում ենք միասնական դիրքորոշման այդ մասին հայտնում են:

«Ես չեմ ցանկանում հիմա խոսել, որ խմբակցությունը որ դիրքորոշման վրա է: Ես կարող եմ այդ առումով խոսել միայն Կոնգրեսի անունից: Կոնգրեսի դիրքորոշումը հետևյալն է` մենք ընդհանրապես համարում ենք, որ կեղծված ընտրություններով ձևավորված իշխանությունը ընդհանրապես որևէ իրավուքն չունի ձևավորել կառավարություն Հայաստանում: Այս իշխանությունը սպառված է, այս իշխանությունը ցույց է տվել իր կոռումպացվածությունը, իր ոչ կոմպետենտությունը, նա ձախողել է բոլոր ծրագրերը և իրավունք չունի ընդհանրապես ձևավորել կառավարություն: Ընդհանրապես մենք մերժում ենք ոչ թե այս կառավարութունը, այլ ընդհանրապես այս իշխանությունների կողմից որևէ կառավարություն ձևավորելու իրավունքը: Սա ՀԱԿ-ի մոտեցումն է»,- նշեց պատգամավորը:

Zham.am