Ազգային ժողովում քիչ առաջ վարչապետ Հովիկ Աբրահամյանը ներկայացրեց կառավարության ծրագիրը։ Վարչապետին հարցեր տալու համար հերթագրվել է 34 պատգամավոր։

ՀԱԿ խմբակցության քարտուղար Արամ Մանուկյանը նշեց, որ ինքն օրական շփվում է 50-100 մարդու հետ, ովքեր շատ վատ են վերաբերվում Աբրահամյանի նշանակած կադրերին:
«Այդ կադրերը Ձեր առաջարկով են նշանակվե՞լ, թե՞ Սերժ Սարգսյանի»,-հարցրել է Մանուկյանը։
«Մարդիկ միշտ էլ դժգոհում են... Եթե նույնսիկ ձեզ նշանակենք, մարդիկ կասեն, որ վատ կադրեր եք ընտրել: Սկզբունքը ընտրել ենք, որ կադրերը հնարավորինս լինեն պրոֆեսիոնալ: Ես հաշվի եմ առել իրենց փորձը և կառավարություն ձևավորելուց հետո իմ առաջին ելույթում ասել եմ, որ կառավարության այն անդամը, որը չի լուծի իր առջև դրված խնդիրները, կհեռանա, և ես այդ սկզբունքը պահելու եմ»,-ի պատասխան՝ ասել է վարչապետը։
Իր հերթին Արամ Մանուկյանը հակադարել է. «Ձեզ հետ երբեք այդ դաշտում չենք համագործակցի: Նույն ժողովուրդը ձեզ գնահատական կտա, որովհետև ձեր կադրերին ճանաչում է: Ձեր առաջին կոպիտ սխալն էր, որ Ձեր իսկ կադրային նշանակումներով հերքեցիք Ձեր նախնական խոստումը»։

7or.am