ԱԺ հայտարարությունների ժամին, անդրադառնալով Կառավարության ծրագրին, ԲՀԿ խմբակցության պատգամավոր Միքայել Մելքումյանը հայտարարել է, որ այնտեղ կուրսի փոփոխություն չի տեսնում։

–Այդ կուրսի փոփոխությունը կարող է լինել, եթե մենք կառավարման համակարգում կատարենք արմատակա՛ն փոփոխություն՝ իրավունքների և պատասխանատվության առումով։ Պատահան չէ, որ ԲՀԿ–ն կարևոր առաջարկություն արեց՝ Կառավարության ծրագրի անբաժանելի մաս կազմել ծրագրի կատարման երաշխիքների հետ փոխկապակցված ռեժիմի մասին ինստիտուտը,–ասել է Մելքումյանը:

ԲՀԿ–ական պատգամավորը հիշեցրել է, որ 2013թ. տնտեսական աճը չապահովվեց կրկնակի անգամ։ Եվ այդ պարագայում Կառավարության մնալը պայմանավորված է բարձրագույն քաղաքական ղեկավարման կամքից:

–Մենք գտնում ենք, որ այդպես չպետք է լինի: Եթե ամբողջական ծրագիրը չի կատարվում, անպայման պետք է կառավարությունն ամբողջական հրաժարական տա: Իսկ եթե որոշ ցուցանիշներ չեն կատարվում, պետք է ֆինանսատնտեսական բլոկի որոշ առանձին նախարարներ հրաժարական տան: Սա չպետք է կախված լինի որոշակի կամքից: Սա իսկապես պետք է լինի նոր խաղի կանոն։ Դրա համար մենք պետք է կարողանանք արդարացի կամ արդարամիտ գնահատական տանք այդ թվում կառավարության գործնեությանը և ասենք, որ խաղի կանոններն այսուհետ այսպես են լինելու,–ասել է Մ. Մելքումյանը:

Մանրամասները՝ տեսանյութում։

7or.am