Մայիսի 25-ին՝ ժամը 20.50-ին, ոստիկանության Չարենցավանի բաժնում ահազանգ է ստացվել, որ 4-րդ թաղամասի 6-րդ շենքի բնակարաններից մեկում վիճաբանում են:

Ոստիկանության Չարենցավանի բաժնի ծառայողները ժամը 21.30-ին հիշյալ բնակարանից բերման են ենթարկել նույն հասցեի բնակիչ, 1983 թ. ծնված Հարություն Ն.-ին, իսկ բնակարանի բնակչուհի, 1935 թ. ծնված Հասմիկ Նազարյանը պոլիտրավմա ախտորոշմամբ տեղափոխվել է հիվանդանոց:
Ըստ հիվանդանոցից ստացված արձանագրության` Հարություն Ն.-ն եղել է ոչ սթափ վիճակում (0.73 մլգ):
Նույն օրը՝ ժամը 23.15-ին, հիվանդանոցից հաղորդում է ստացվել, որ Հասմիկ Նազարյանը ժամը 23.15-ին մահացել է:
Մայիսի 26-ին հարուցվել է քրեական գործ ՀՀ քրեական օրենսգրքի 112 հոդ 2-րդ մասի 14-րդ կետի հատկանիշներով:
Նշանակվել են դատաբժշկական փորձաքննություններ:
Հարություն Ն.-ն ձերբակալված է:
Հանգամանքները պարզվում են:
Կատարվում է նախաքննություն: