Այսօր հրավիրված ասուլիսում անդրադառնալով Աստանայում կայացած Եվրասիական տնտեսական բարձրագույն խորհրդի ընդլայնված կազմով նիստին՝ «Բարգավաճ Հայաստան» կուսակցության անդամ, տնտեսագետ Վարդան Բոստանջյանը շեշտել է.

–Հայաստանում որևէ մեկը որևէ բանից տեղեկացված չէ։ Առավել ևս՝ տեղեկացված չէ դիվանագիտական գործընթացներից:

Այդ նիստի ժամանակ Ղազախստանի նախագահ Նուրսուլթան Նազարբաևի հայտարարություններն էլ, Բոստանջյանի համոզմամբ, ընդգծված զզվանք են առաջացրել հայ ժողովրդի մոտ։

–Բոլորիս համար շատ վիրավորական էր,–ասել է նա՝ ավելացնելով, որ Սերժ Սարգսյանը գոնե կես բառով պետք է պատասխաներ Նազարբաևին.

–Պարզ է, որ այս համակարգը ՀՀ-ի շահերը ստորադասում է:

Ինչ վերաբերում է ՀՀ առաջին նախագահ Լևոն Տեր–Պետրոսյանի՝ այսօր հրապարկված հոդվածին, Վարդան Բոստանջյանը կարծիք է հայտնել, որ ժողովրդի մեծ մասը համամիտ է Տեր-Պետրոսյանի հետ:

7or.am