–Սահմանին իրավիճակը կայուն լարված է,–ԱԺ–Կառավարություն հարցուպատասխանի ժամանակ հայտարարել է ՀՀ պաշտպանության նախարար Սեյրան Օհանյանը։

Միաժամանակ, նա ավելացրել է, որ հակառակորդի կողմից հրադադարի ռեժիմի խախտումները նորություն չեն, և շատ դեպքերում հասարակությունը պետք է համակերպվի այն վիճակի հետ, որ հակամարտությունը վերջնականապես լուծված չէ։

–Հակառակորդի ռազմատենչ «եռանդը» պետք է լուծենք կանխարգելիչ գործողությունների միջոցով: Նրանց փորձերը՝ մեր ուժեղ և թույլ կողմերը ուսումնասիրելու նպատակով, դիտավորյալ բնույթ են կրում: Հարցի լուծման համար պետք է վստահության մթնոլորտ ձևավորենք, զերծ մնանք դիպուկահարների կրակոցներից, պետք է պահպանվի հրադադարի ռեժիմը, պետք է կանխել դիվերսիոն գործողությունները և իրականացնել միջազգային հետաքննություն,–ասել է նախարարը։

Նա նաև ավելացրել է, որ ֆինանսական և նյութատեխնիկական խնդիրները թույլ են տալիս համանախագահներին ասել, որ իրենք պատրաստ չեն միջազգային հետաքննության, անգամ այն դեպքում, որ Հայաստանն ասում է՝ եթե մենք ենք խախտել հրադադարի ռեժիմը, պատրաստ ենք պատասխանատվություն կրել։

7or.am