–Մենք չենք հասցնում ձեր որոշումների հետևից հասնել, բացահայտել գազը, հոսանքը, Սևանը, Կասկադը, իսկապես չի հերիքում,–ԱԺ–Կառավարություն հարցուպատասխանի ժամանակ ասել է ՀԱԿ խմբակցության քարտուղար Արամ Մանուկյանը:

Նա նշել է, որ Մաքսային ծառայության հրապարակած եռամսյակային տեղեկանքում նշված է, որ Հայաստանը Ռուսաստանից ստացել է 545 մլն խմ գազ, որի մաքսային արժեքը կազմում է 186 մլն դոլար։

–Զանգում եմ պատկան մարմիններին, ասում են՝ բացառվում է այդպիսի բան։ Հետո լինքը ուղարկում եմ, ասում եմ՝ բացե՛ք այս տեքստը։ Կառավարությունում չգիտեն՝ ինչ է կատարվում. հնչում է տարօրինակ բացատրություն՝ առաջին եռամյսակ գրվածը նշանակում է դեկտեմբեր-հունվար–փետրվար։ Առանց մի բառ գունավորելու եմ ասում՝ պաշտոնական թվերի հաշվետվություների մեջ 2014թ. առաջին եռամսյակը նշանակում է դեկտեմբեր–հունվար–փետրվար: Գրիգորյան տոմարով չկա՛ առաջին եռամսյակը դեկտեմբերից,–զարմանքով ասել է Ա. Մանուկյանը:

Նրա հարցին, սակայն, Կառավարությունը չի կարողացել պատասխանել՝ խնդրելով այն գրավոր ուղարկել, ինչը ներկաների ծիծաղն է առաջացրել։

7or.am