Հայ ռազմագերի Հակոբ Ինջիղուլյանը նամակ է ուղարկել ընտանիքին. նամակում 5 տող ջնջված է

● Լրահոս

14.06.2014 ● 11:01

Հայ ռազմագերի Հակոբ Ինջիղուլյանը նամակ է ուղարկել ընտանիքին. նամակում 5 տող ջնջված է

Կարմիր խաչի ներկայացուցիչները հունիսի 11-ին հանդիպել են Ադրբեջանում հայ ռազմագերի Հակոբ Ինջիղուլյանին: Այս մասին ԳԱԼԱ-ի լրագրողին հայտնեց Կարմիր խաչ միջազգային կազմակերպության հայաստանյան գրասենյակի ներկայացուցիչ Զառա Ամատունին:

ԳԱԼԱ-ի լրագրողը խոսեց նաև Հակոբ Ինջիղուլյանի եղբոր՝ Հարություն Ինջիղուլյանի հետ, ով ասաց, որ նամակներն արդեն ստացել են:

«4 նամակ ենք ստացել՝ ինձ, քրոջս, մորս, հորս ուղղված: Մորս ուղղված նամակում Հակոբը գրում է, որ ամեն ինչ լավ է, որ անգլերեն է սովորում, որ տեղափոխվի Եվրոպա: Բայց հինգ տող ջնջված է նամակից: Կարմիր խաչի հայաստանյան գրասենյակի աշխատակիցներից հարցնում ենք, թե ով է ջնջել, ասում են՝ Կարմիր խաչի մեր գործընկերները»,- նշում է Հ. Ինջիղուլյանը: Նրա խոսքով՝ մի տող էլ իր նամակից է ջնջված: Վերջինս ավելացնում է` Կարմիր խաչից հավաստիացնում են, որ եթե Ադրբեջանը թույլ տա, յուրաքանչյուր տեղեկություն իրենք կփոխանցեն, սակայն Ինջիղուլյանների ընտանիքի համար մնում է դեռևս անհայտ, թե ինչ է գրել Հակոբն, ու ինչու են ջնջել հենց Կարմիր խաչի աշխատակիցները:

Մանրամասները՝ galatv.am–ում։

● Այս խորագրի վերջին նյութերը

Հանրային տրանսպորտից օգտվելու համար անձնագրային տվյալներ կամ հեռախոսահամար պահանջելն արդարացված չէ․ իրավապաշտպան

18.11.2024 ● 17:38

Որոշակի հույսեր է առաջացնում «Մայր Հայաստան» շարժման նախաձեռնությունը՝ ընդդեմ Երևանի տրանսպորտի թանկացման։

Նիկոլ Փաշինյանը փորձում է փրկել խարխլված վարկանիշը, բայց արդյունքի չի հասնի. Լևոն Քոչարյան

18.11.2024 ● 17:16

Փորձում է փրկել խարխլված վարկանիշը՝ հույս ունենալով, որ կկարողանա մեր ժողովրդի արդարացի բողոքն ու հիասթափությունը բարդել մորուքի նույն ճակատագրին արժանացած պաշտոնյաների վրա: