Իրանի և «վեցնյակի» միջև բանակցությունները մեկնարկել են «վեցնյակի» համակարգող, ԵՄ ատրաքին գործերի և անվտանգության քաղաքականության գերագույն ներկայացուցիչ Քեթրին Էշթոնի և Իրանի ԱԳՆ ղեկավար Ջավադ Զարիֆի հետ հանդիպումով։ Այս մասին լրագրողներին տեղեկացրել է եվրոպական դիվանագիտության մամուլի քարտուղար Մայքլ Մանը։ Ինչպես հաղորդում է «ԻՏԱՌ–ՏԱՍՍ»–ին արևմտյան պատվիրակության դիվանագիտական աղբյուրը, պատվիրակությունները մի շարք երկկողմանի հանդիպումներ կունենան, իսկ ֆորմալ բանակցությունները «վեցնյակի» և Իրանի միջև կհայտարարվեն բացված երեքշաբթի օրվա նիստով։