Նախկին դատավորի գործով Սահմանադրական դատարանի աննախադեպ դիրքորոշումը

● Լրահոս

17.06.2014 ● 20:03

Նախկին դատավորի գործով Սահմանադրական դատարանի աննախադեպ դիրքորոշումը

Սահմանադրական դատարանը, այսօր քննության առնելով Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի նախկին դատավոր Սուրիկ Ղազարյանի դիմումի հիման վրա գործը, մինչ այժմ նախադեպը չունեցող իրավիճակի բախվեց:

Երկու ժամ խորհրդակցական սենյակում քննարկելուց հետո գործի քննությանը մասնակցած ՍԴ 6 անդամների ձայները կիսվեցին: Արդյունքում՝ ՍԴ-ն առաջին անգամ ստիպված էր ղեկավարվել ՍԴ-ի մասին օրենքի 62-րդ հոդվածի 6-րդ կետով, այն է՝ եթե ՍԴ-ն քննարկվող հարցի վերաբերյալ ձայների հավասարության հետևանքով ըստ էության որոշում կամ եզրակացություն չի ընդունում, ապա դիմումը համարվում է մերժված:

«Շատ անհեթեթ իրավիճակ է ստացվում: Մարդը դիմել է Սահմանադրական դատարան, հաղթահարել է դժոխային դժվարությունների շարքը, Սահմանադրական դատարանում ընդունելության չափանիշները հաղթահարել է, գործն ընդունվել է վարույթ, Սահմանադրական դատարանն այսքան ժամանակ աշխատել է և, ի վերջո, որոշում չի կայացրել: Մարդու սահմանդրական արդարադատության սահմանադրական իրավունքը դառնում է տեսական մի բան, անիրական, ոչ պիտանի, չիրացված»,- «Փաստինֆո»-ի թղթակցին ասաց ՍԴ-ում Ս. Ղազարյանի ներկայացուցիչներից իրավաբան Արտակ Զեյնալյանը:

Ըստ նրա՝ այս դեպքում կարելի էր նույնիսկ բավարարված լինել, եթե որոշում կայացվեր, որ վիճարկվող դրույթը համապատասխանում է Սահմանադրությանը: «Որոշման մեջ գոնե ինչ-որ իրավական դիրքորոշումներ կլինեին, ինչ-որ պիտանի բան կլիներ»,-ընդգծեց Ա.Զեյնալյանը՝ եզրակացնելով, որ ՍԴ-ի մասին օրենքի 62-րդ հոդվածի 6-րդ մասը «հակասահմանադրական է, հակամարդկային»:

«Նման դեպքերում պետք է լինի այլ լուծում. պետք է նիստը համարվի հետաձգված, ՍԴ անդամները չհեռանան խորհրդակցական սենյակից այնքան ժամանակ՝ մինչև որոշում չկայացվի, ինչպես, օրինակ, Հռոմի պապի ընտրության պարագայում»,-նշեց նա:

Ինչպես ավելի վաղ հայտնել էինք, դիմումատուն, ով ներկայումս բնակվում է ԱՄՆ-ում, իր ներկայացուցիչների միջոցով վիճարկում էր իր նկատմամբ կիրառված, սակայն 2013թ.-ի հունվարի 1-ից ուժը կորցրած ճանաչված «ՀՀ դատական օրենսգիրքն ուժի մեջ մտնելու մասին» օրենքի 2.1-րդ հոդվածի սահմանադրականությունը:

Մանրամասները՝ pastinfo.am-ում։

● Այս խորագրի վերջին նյութերը

Երևանում բախվել են «Opel»-ն ու «Kia»-ն, որն էլ կոտրել է խաչմերուկի ցուցանակը. կա վիրավոր

18.11.2024 ● 19:28

«Kia»-ի վարորդը տեղափոխվել է Երևանի թիվ 8-րդ հիվանդանոց:

Ինքնասպան եղած զինվորի մայրն ինքնասպանության փորձ է արել

18.11.2024 ● 19:25

Նա մկնդեղ է խմել, սակայն բժիշկներին հաջողվել է փրկել նրա կյանքը։

Օգտագործված-դուրս շպրտվածները․ «Կարճ ասած» (տեսանյութ)

18.11.2024 ● 19:18

Փաշինյանը սպասում է, որ ժողովուրդը մի օր իրեն հանելու է, առավելագույնը՝ մեկուկես տարուց։

Փաշինյանն Ալիևի ուզածներն է տալիս, Ավինյանը շինտթույլտվություններ է տալիս (տեսանյութ)

18.11.2024 ● 19:15

Երևանի ավագանու «Մայր Հայաստան» խմբակցության ղեկավար Մանուկ Սուքիասյանն անդրադարձել է ապօրինի շինթույլտվությունների խնդրին։

«Հույսեր է առաջացնում «Մայր Հայաստան» շարժման նախաձեռնությունը՝ ընդդեմ Երևանի տրանսպորտի թանկացման». Ավետիք Իշխանյան

18.11.2024 ● 17:38

Որոշակի հույսեր է առաջացնում «Մայր Հայաստան» շարժման նախաձեռնությունը՝ ընդդեմ Երևանի տրանսպորտի թանկացման։

Նիկոլ Փաշինյանը փորձում է փրկել խարխլված վարկանիշը, բայց արդյունքի չի հասնի. Լևոն Քոչարյան

18.11.2024 ● 17:16

Փորձում է փրկել խարխլված վարկանիշը՝ հույս ունենալով, որ կկարողանա մեր ժողովրդի արդարացի բողոքն ու հիասթափությունը բարդել մորուքի նույն ճակատագրին արժանացած պաշտոնյաների վրա: