Սերժ Սարգսյանն ընդունել է ԵԽԽՎ համազեկուցողներ Աքսել Ֆիշերին և Ալան Միլին

● Լրահոս

17.06.2014 ● 22:45

Սերժ Սարգսյանն ընդունել է ԵԽԽՎ համազեկուցողներ Աքսել Ֆիշերին և Ալան Միլին

Սերժ Սարգսյանն այսօր ընդունել է փաստահավաք առաքելությամբ Հայաստան ժամանած ԵԽԽՎ համազեկուցողներ Աքսել Ֆիշերին և Ալան Միլին: Այս մասին տեղեկացնում են նրա մամուլի ծառայությունից։

Սերժ Սարգսյանը ողջունել է հյուրերին և վստահություն հայտնել, որ նրանց համատեղ առաքելությունն արդյունավետ կլինի՝ ի շահ Հայաստան-ԵԽԽՎ համագործակցության: Սերժ Սարգսյանը բարձր է գնահատել համազեկուցողների հետևողական ներգրավվածությունը Հայաստանի ժողովրդավարացման ճանապարհին:

Հանդիպմանը զրուցակիցներն անդրադարձել են ԵԽ-ին անդամակցությամբ Հայաստանի ստանձնած պարտավորությունների կատարման ընթացքին: Երկուստեք նշվել է, որ իրավունքների պաշտպանության և իրավական պետության սկզբունքների խորացման ուղղությամբ վերջին տարիներին Հայաստանում իրականացված խորքային բարեփոխումները եղել են հետևողական: Զրուցակիցների համոզմամբ, առաջընթացը տեսանելի է:

Սերժ Սարգսյանը կարևորել է Հայաստան-ԵԽ 2012-2014թթ. Գործողությունների ծրագրի լիարժեք իրականացումը, որում ընդգրկված նախագծերը ուղղակի կամ անուղղակի առնչվում են Հայաստանի պարտավորություններին՝ աջակցություն արդարադատության և քրեակատարողական ոլորտների բարեփոխումներին, տեղական ժողովրդավարության ամրապնդմանը, Մարդու իրավունքների եվրոպական կոնվենցիայի արդյունավետ կիրարկմանը և այլն:

ԵԽ-ին անդամակցությամբ Հայաստանի ստանձնած պարտավորությունների կատարման առումով, նա կարևորել է նաև Հայաստանի հարցով ԵԽԽՎ համազեկուցողների կատարած աշխատանքը և վստահություն հայտնել, որ կառուցողական համագործակցությունը այսուհետ ևս կշարունակվի:

Զրուցակիցները մտքեր են փոխանակել նաև Եվրոպայի խորհրդի հետ համագործակցությամբ իրականացվող կոռուպցիայի դեմ պայքարի, դատաիրավական և ոստիկանության ոլորտներում բարեփոխումների և այդ ոլորտներում դեռևս առկա խնդիրների շուրջ:

Սերժ Սարգսյանը և ԵԽԽՎ համազեկուցողներն անդրադարձել են ԵԱՀԿ Մինսկի խմբի շրջանակներում ԼՂ հակամարտության կարգավորման գործընթացին ևս:

● Այս խորագրի վերջին նյութերը

Երևանում բախվել են «Opel»-ն ու «Kia»-ն, որն էլ կոտրել է խաչմերուկի ցուցանակը. կա վիրավոր

18.11.2024 ● 19:28

«Kia»-ի վարորդը տեղափոխվել է Երևանի թիվ 8-րդ հիվանդանոց:

Ինքնասպան եղած զինվորի մայրն ինքնասպանության փորձ է արել

18.11.2024 ● 19:25

Նա մկնդեղ է խմել, սակայն բժիշկներին հաջողվել է փրկել նրա կյանքը։

Օգտագործված-դուրս շպրտվածները․ «Կարճ ասած» (տեսանյութ)

18.11.2024 ● 19:18

Փաշինյանը սպասում է, որ ժողովուրդը մի օր իրեն հանելու է, առավելագույնը՝ մեկուկես տարուց։

Փաշինյանն Ալիևի ուզածներն է տալիս, Ավինյանը շինտթույլտվություններ է տալիս (տեսանյութ)

18.11.2024 ● 19:15

Երևանի ավագանու «Մայր Հայաստան» խմբակցության ղեկավար Մանուկ Սուքիասյանն անդրադարձել է ապօրինի շինթույլտվությունների խնդրին։

«Հույսեր է առաջացնում «Մայր Հայաստան» շարժման նախաձեռնությունը՝ ընդդեմ Երևանի տրանսպորտի թանկացման». Ավետիք Իշխանյան

18.11.2024 ● 17:38

Որոշակի հույսեր է առաջացնում «Մայր Հայաստան» շարժման նախաձեռնությունը՝ ընդդեմ Երևանի տրանսպորտի թանկացման։

Նիկոլ Փաշինյանը փորձում է փրկել խարխլված վարկանիշը, բայց արդյունքի չի հասնի. Լևոն Քոչարյան

18.11.2024 ● 17:16

Փորձում է փրկել խարխլված վարկանիշը՝ հույս ունենալով, որ կկարողանա մեր ժողովրդի արդարացի բողոքն ու հիասթափությունը բարդել մորուքի նույն ճակատագրին արժանացած պաշտոնյաների վրա: