Պարտադիր կուտակային կենսաթոշակային համակարգի մասին կառավարության ներկայացրած օրենքի նախագծի քննարկման ժամանակ ԱԺ ԲՀԿ խմբակցության պատգամավոր Ստեփան Մարգարյանը հարց ուղղեց ՀՀ աշխատանքի և սոցիալական հարցերի նախարար Արտեմ Ասատրյանին` ասելով, որ այս ամբողջ ժամանակահատվածում, որ գնում են այս օրենքի քննարկումը և այս ամբողջ պայքարը, ինչո՞ւ փորձ չարվեց կամավորը ներդնել:
«Եվ եթե այդ ջանքերը գործադրեինք, կամավորը ներդնելու լուծումներ կգտնեինք, և կաշխուժանար, ինչո՞ւ չարվեց դա»,- ասաց Ստեփան Մարգարյանը:
Այնուհետև նա ասաց, որ կան բազմաթիվ դեպքեր, իրավիճակներ, որոնց պատասխանը կարծես թե չի տալիս այս օրենքը. օրինակ՝ եթե անձը մի քանի ամիս աշխատում է, մասնակցում է և կորցնում է աշխատանքը, այլև աշխատանք չի գտնում, բնականաբար, հայտնվում է սոցիալապես ծանր վիճակում, բայց ունի կուտակված գումար, կարո՞ղ է իր կուտակած փողից օգտվել, որովհետև աշխատանք կորցնելը և չգտնելը հազվագյուտ բան չի այսօր:
Մարգարյանը նաև ցանկացավ իմանալ, թե հստա՞կ են այն մեխանիզմները, որ արժեզրկման կամ հիմնադրամը պայթելու պարագայում մարդը կորուստներ չի ունենում:
Արտեմ Ասատրյանը, խոսելով կամավոր վճարման համակարգի մասին, ասաց, որ, ըստ էության, այս առաջարակությամբ ներդրվում է:
«Իր աշխատավարձից կատարվելիք հինգ տոկոսը կարող է ստանալ: Մյուս կողմից, համակարգի անձի կողմից միջոցները տնօրինելու այլ հնարավոր տարբերակներ: Պիտի մի բան հստակ ամրագրենք, որ սա կենսաթոշակային ապահովության համակարգ է: Եվ կենսաթոշակային ապահովության համար կենսաթոշակային տարիքի հասնել և կուտակումներ այդ տարիքում օգտագործելը դա համար առաջին խնդիրն է, որ դրված է այս համակարգի հիմքում»,- ասաց Արտեմ Ասատրյանը:
Արձագանքելով՝ Ստեփան Մարգարյանն ասաց, որ իր առաջին հարցը ոչ թե վերաբերում է նրան, որ եթե ի սկզբանե գնային կամավորով, հիմա արդեն գտած կլինեին այն մեխանզիմը, որը կլիներ բավարար:
Այնուհետև պատգամավորը ևս մեկ անգամ կրկնեց, թե երբ մարդը աշխատանք չի կարողանում գտնել, հիմա իր կուտակած գումարից նրան հնարավորություն կտրվի՞ օգտվել, որ սովից չմեռնի, աշխատանքի բացակայության պատճառով:
Ի պատասխան՝ նախարարն ասաց, որ հնարավոր է, որ վեց ամիս հետո այդ մարդը նորից աշխատանք գտնի, և այդ ժամանակ իրենք ինչպե՞ս պետք է կարգավորեն:

zham.am