ԱԺ ՀՀԿ-ական պատգամավոր Ալիկ Պետրոսյանը (ՄԱՊ-ի Ալիկ) «Ժողովուրդ»-ի հետ զրույցում անդրադառնալով Սերգո Կարապետյանի ներկայացրած կենդանիների վերաբերյալ օրենքի նախագծին, ըստ որի՝ արգելվում է կենդանիներին վախեցնել, միմյանց նկատմամբ սադրել, տրամադրել, սեղմել կենդանիների դյուազգաց մասերը՝ պոչերը, ականջները, առանց ցավազրկման կենդանուն ամորձատել եղունգները քաշել, մասնավորապես ասել է.

«Բայց ո՞վ է դա ստուգելու, մի հատ զանգեք գյուղնախարարություն, հարցրեք, թե արդյոք ամեն կովի մոտ գյուղնախարարությունից մի հատ մարդ եք կանգնեցրե՞լ (ծիծաղում է): Օրենքը երևի վերցրել են միջազգային ստանդարտներով, որ այդպես պետք է լինի, արտագրել են, թարգմանել, բերել են, որ մենք համապատասխանենք եվրոպական ստանդարտներին:

Բայց, ըստ ձեզ, դա ո՞նց պետք է լինի: Կովը կարող է գնա բողոքի, ասի՝ իմ ականջները քաշի՞ն, տենց բան դուք հավատու՞մ եք: Ես մտածում եմ, որ ձևական ինչ-որ բան են ընդունե:

Մանրամասները՝ «Ժողովուրդ»-ի այսօրվա համարում։