Ա/Ձ «Մուրադ Պետրոսյանի» արտադրամասում իրականացված ստուգման ընթացքում վերոնշյալ արտադրատեսակների արտադրության փուլում հայտնաբերվել է վտանգավոր սննդամթերքի թողարկում. ստուգման ընթացքում պարզվել է, որ Ա/Ձ «Մուրադ Պետրոսյանի» արտադրամասի կողմից արտադրված «Սոֆյա» ապրանքանիշի «Կաթնաշոռ» արտադրատեսակը՝ խմորասնկեր և բորբոսասնկեր և «Մածուն» արտադրատեսակը՝ ԱՑԽՄ, խմորասնկեր և կաթնաթթվային մանրէներ ցուցանիշներով, համաձայն «Հանրապետական անասնաբուժասանիտարական և բուսասանիտարական լաբորատոր ծառայությունների կենտրոն» ՊՈԱԿ-ի լաբորատոր փորձաքննության արդյունքների, չեն համապատասխանում ՀՀ կառավարության 2006 թվականի դեկտեմբերի 21-ի N 1925-Ն որոշմամբ սահմանված պահանջներին:

Կազմակերպությանը տրվել է հանձնարարական՝

1) վերացնել հայտնաբերված խախտումները (կազմակերպել սանիտարական օր, իրականացնել «Կաթնաշոռ» և «Մածուն» արտադրատեսակների արտադրության պահման պահեստային տարածքների, տեխնոլոգիական սարքավորումների և գործիքների պատշաճ մաքրում և ախտահանում):

2) «Կաթնաշոռ» արտադրատեսակի 23.06.2014թ և «Մածուն» արտադրատեսակի 23.06.2014թ. խմբաքանակները պահեստային մասում և իրացման նպատակով իրացման կետերից հետ կանչել, օգտահանել կամ ոչնչացնել:

3) թողարկել փորձնական արտադրանք և ներկայացնել լաբորատոր փորձաքննության` անհամապատասխանության ցուցանիշով:

4)«Կաթնաշոռ» և «Մածուն» արտադրատեսակների արտադրությունը համապատասխանեցնել ՀՀ կառավարության 2006 թվականի դեկտեմբերի 21-ի N 1925-Ն որոշմամբ սահմանված պահանջներին:

Խախտումների վերացման ժամկետ է սահմանվել մինչև 2014 թվականի հուլիսի 14-ը: