15.11.2024 ● 13:11
15.11.2024 ● 13:08
15.11.2024 ● 12:31
15.11.2024 ● 11:58
15.11.2024 ● 11:01
15.11.2024 ● 10:04
15.11.2024 ● 09:26
15.11.2024 ● 08:59
15.11.2024 ● 07:02
15.11.2024 ● 06:54
ՀՀԿ–ական պատգամավորը «Ժառանգության» անդամին մութ սենյակում սև կատու փնտրելու մեջ է մեղադրել
«Ժառանգություն» խմբակցության անդամ Վարդան Խաչատրյանը «Հայելի» ակումբում ասել է, որ իրենք չեն կիսում այն տեսակետները, թե Հայաստանի և Թուրքիայի նախաստորագրած արձանագրությունները ՀՀ-ի համար վտանգներ, մարտահրավերներ և սպառնալիքներ չեն պարունակում։
-Այս արձանագրությունների և նրանց շուրջ ընթացող բանակցությունների արդյունքում Թուրքիան իր համար ամենացանկալի նպատակներից մեկին հասել է և, կամա թե ակամա, մենք պետք է խոստովանենք, որ ղարաբաղյան հիմնախնդրի կարգավորման մեջ լուրջ դերակատարություն այսօր ստանձնել է Թուրքիան ևս,- նշել է Վ. Խաչատրյանը։
Նույն ակումբում հյուրընկալված ՀՀԿ խմբակցության անդամ Գագիկ Մինասյանն էլ այս կապակցությամբ ասել է, որ տվյալ թեզը շատ դժվար է վիճարկել մի անձնավորության հետ, ով մութ սենյակում փորձում է սև կատու գտնել։
-Արձանագրության մեջ որևէ արձագանք չկա ղարաբաղյան հակամարտությանը։ Միգուցե նաև կարելի է ասել, որ այս արձանագրությունն ուղղակի կապված է Կուրիլյան կղզիների պրոբլեմի հետ։ Այդ արձանագրություններում ամրագրված դրույթներն իրենց մեջ չունեն մեր ազգային և պետական շահերին վնասող որևէ հանգամանք և, միաժամանակ, ներդաշնակ են նաև բոլոր պնդումներին ու նպատակներին, որոնք տարիներ շարունակ՝ սահմանի փակման հաջորդ իսկ օրվանից, մեր պետությունը փորձել է լուծել,- ասել է Գ. Մինասյանը։
Ի դեպ, ՀՀԿ պատգամավորը կարծում է, որ «մենք գտնվում ենք հայ-թուրքական հարաբերությունների բարելավման գործընթացի վերջին փուլի սկսզբում»։
7or.am